ކޮންމެ އަހަރަކު ވެސް ސްނޯވިލެޖް ހެދުމަށް 20 މިލިއަން ކިލޯގެ ސްނޯ އަދި 350000 ކިލޯގެ ކްރިސްޓަލް ކްލިއާ އައިސް ސްނޯ ވިލެޖް ހެދުމަށް ބޭނުންކުރެއެވެ. މިއީ ސްނޯވިލެޖް ހަދާފައިވާ 17 ވަނަ ފަހަރެވެ. މިއަހަރުގެ ސްނޯ ވިލޭޖްގެ ތީމަކީ ގޭމް އޮފް ތުރޯންސްގެ ތީމެވެ. މިފަހަރުގެ ސްނޯވިލެޖް ތީމަށް ހުޅުވާފައިވަނީ ގޭމް އޮފް ތުރޯންސް ހޮޓަލެކެވެ.
މިފަހަރުގެ ސްނޯވިލެޖް ގެ ތީމް ކަމަށްވާ ގޭމް އޮފް ތުރޯންސް އަކީ އެޗްބީއޯއިން ދައްކަމުން އަންނަ އަދި ގިނަ ބައެއްގެ ތަރުހީބެއްލިބިފައިވާ ސީރީޒްއެކެވެ.
މިއީ މި ވިންޓާ ސީޒަންގައި ހުޅުވި އެންމެ ފިނިގަދަ ހޮޓެލެއެވެ. އެޗްބީއޯއިން ދެއްކި ގޭމް އޮފް ތުރޯންސްގެ ތީމަށް މި ހޮޓެލް ހަދާފައި ވަނީ ފިންލޭންޑުގެ ކިއްޓިލާގައެވެ. ސައުވީސް ކޮޓަރީގެ މި ހޮޓެލް އިމާރާތް ކޮށްފައިވަނީ އިންޓަނޭޝަނަލް އައިސް އާޓިސްޓުންނެވެ. މި ހޮޓެލްގެ ޓެމްޕަރޭޗާ ބަހައްޓާފައި ވަނީ މައިނަސް ފަސް ޑިގްރީ ސެލްޝިއަސްއަށެވެ.
މި އައިސް ހޮޓެލްގެ ކޮޓަރިއެއްގެ އަގަކީ ކޮންމެ ރެއަކަށް 200 ޑޮލަރެވެ. އަދި މި ހޮޓަލަށް ވަނުމަށް 18 ޑޮލަރު ޗާޖް ކުރެއެވެ.
