ރާއްޖެ
އަލިފާނުގެ ހާދިސާ
އަލިފާން ރޯވި ގެ ވަނީ ބޭނުން ނުކުރެވޭ ވަރަށް އަނދާފައި: އެމްއެންޑީއެފް
އެ ގެއަކީ ކުއްޔަށް ދިނުމަށް ހުސްކޮށްފައިވާ ގެއެއް
މުހައްމަދު ފަޒީން, ރާއްޖެ އެމްވީ | 14 ޖެނުއަރީ 2018 | އާދީއްތަ 06:20
އެލްމިނިއަމް ގޭގައި ރޯވެ އަނދައި ހުލިވެފައި
އައްޑޫ ސިޓީ ހިތަދޫ އެލުމިނިއަމް ގޭގައި ހޮނިހިރު ދުވަހުގެ ރޭ ހިނގި އަލިފާނުގެ ހާދިސާގައި އެ ގެ ބޭނުން ނުކުރެވޭ ވަރަށް އަނދައި ހަލާކުވެފައިވާ ކަމަށް އެމްއެންޑީއެފުން ބުނެފި އެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައިނުވެ އެވެ. އެލްމިނިއަމް ގޭގައި އަލިފާން ރޯވި ސަބަބެއް ވެސް އަދި ނޭނގެ އެވެ.
މި ގޭގައި އަލިފާނުގެ ހާދިސާ ހިނގިއިރު، ގޭގައި އެއްވެސް މީހަކު ނެތެވެ. ރާއްޖެ އެމްވީއަށް އެނގިފައިވާ ގޮތުގައި އެ ގެ ހުސްކޮށްފައި ހުރީ ބަޔަކަށް ކުއްޔަށް ދިނުމަށެވެ.
މި ގޭގައި ރޯވި އަލިފާންގަނޑު ނިއްވާލީ ސިފައިން ގޮސް ހޮނިހިރު ދުވަހުގެ ރޭ ދަންވަރުގަ އެވެ.
