ދީޕިކާ އާއި ރަންވީރު ގޯއާ އިން ގެއެއް ގަނެފި

ދީޕިކާ ޕަދުކޯން އާއި ރަންވީދު ސިންހް ގޯއާ އިން ގެއެއް ގަނެފައި ވާކަމަށް އިންޑިއާގެ ނޫސްތަކުން ބުނެފިއެވެ.

ބޮލީވުޑްގެ ދެ ލޯބިވެރިން ކަމަށްވާ ދީޕިކާ އާއި ރަންވީރު އާ އަހަރާ ދިމާކޮށް އެ ދެ މީހުންގެ އާއިލާއާ އެކީގައި ޗުއްޓީ ހޭދަކޮށްފައިވާ ކަމަށް ވެސް އަޑުތައް ވަނީ ފެތުރިފައެވެ. އަދި ރަންވީރުގެ މަންމަ ދީޕިކާއަށް މަޝްހޫރު ޑިޒައިނަރ ސަބްޔަސާޗީގެ ސާޅިއަކާއި ޑައިމަންޑް ސެޓެއް ދީފައިވާ ކަމަށް ވެސް ޚަބަރުތައް ފެތުރުނެވެ.

އެންމެ ފަހުގެ ޚަބަރުތައް ބުނާ ގޮތުން ރަންވީރާއި ދީޕިކާ މިހާރު އިންޑިއާގެ ގޯއާއިން ގެއެއް ގަނެފިއެވެ.

ދާދިފަހުން ރަންވީރު ދީފައިވާ އިންޓަވިއުއެއްގައި ބުނެފައި ވަނީ އޭނާ ބޭނުން ވަނީ މުމްބާއި ނޫން ތަނެއްގައި އުޅެން ކަމަށާއި އޭނާ އެންމެ ގިނަ އިން އުޅެވިފައި ހުންނާނީ މުމްބާއީގައި ކަމަށެވެ. އަދި އެނޫން ތަނެއްގައި އުޅުމަށް ބޭނުން ވާތީ ގޯއާއަށް ދާން ބޭނުންވާ ކަމަށް ބުނެފައި ވެއެވެ.

ރަންވީރާއި ދީޕިކާ ގޯއާ އިން ގަނެފައި ވަނީ ލަގްޒަރީ ބަންގަލޯއެވެ. އެ ދެ މީހުން ގޯއާ އިން ގެ ގަނެފައި ވަނީ ކުރީގެ ކްރިކެޓް ކުޅުންތެރިއެއް ކަމަށްވާ ސުނިލް ގަވަސްކަރާއި އިންޑިއާގެ އިކޮނޮމިސޓް ރަގޫރަމް ރާޖަންގެ ގެ ކައިރިންނެވެ.

ދީޕިކާގެ ފިލްމެއް ކަމަށްވާ "ފައިންޑިން ފެނީ" ގެ ބައެއް މަންޒަރުތައް ވެސް ނަގާފައި ވަނީ ގޯއާގައެވެ. އެފިލްމުން ސްޕެޝަލް އެޕިއަރެންސެއްގެ ގޮތުގައި ގޯއާގައި ނެގި މަންޒަރުތަކުން ރަންވީރު ވެސް ފެނިގެންދެއެވެ.