އެންމެ ފަހު ވަގުތު ބިޕާޝާ އާއި ކަރަން އާ އަހަރުގެ ޝޯ ކެންސަލްކޮށްފި

ބޮލީވުޑްގެ މަޝްހޫރު ތަރި ބިޕާޝާ ބާސޫ އާއި އޭނާގެ ފިރިމީހާ ކަރަން ސިންގް ގްރޯވާ، އާ އަހަރު ފާހަގަކުރުމަށް ބާއްވާ ހާއްސަ ޝޯ އެންމެ ފަހު ވަގުތު ކެންސަލްކޮށްފިއެވެ.

މޯލްޑިވްސް އިންޓްގްރޭޓެޑް ޓޫރިޒަމް ކޯޕަރޭޝަން (އެމްއައިޓީޑީސީ) އާއި ޓޫރިޒަމް މިނިސްޓްރީ ގުޅިގެން އާ އަހަރު ފާހަގަ ކުރަން މިރޭ އަލިމަސް ކާނިވަލުގައި ބާއްވާ ޓޫރިސްޓް އެރައިވަލް ކައުންޓްޑައުން ޝޯގައި ބިޕާޝާ ބާސޫ އާއި ކަރަން ސިންގް ބައިވެރިވާނެ ކަމަށް ބުނެ ވަނީ ޕްރޮމޯޓްކޮށްފައެވެ. އެހެން ނަމަވެސް އެންމެ ފަހު ވަގުތު ދަތުރު ކެންސަލްކުރީ އެމްއައިޓީސީން ބުނި ގޮތުގައި އެ ދެތަރިންގެ މަސައްކަތުގެ ތާވަލަށް ބަދަލުތަކެއް އައުމުންނެވެ. ނަމަވެސް އޭގެ ތަފްސީލެއް ހާމައެއް ނުކުރެ އެވެ.

މިރޭގެ ޝޯގައި ބޮލީވުޑްގެ މަޝްހޫރު ލަވަކިޔުންތެރިޔާ މިކާ ސިންގް ބައިވެރިވާނެނެވެ. މިކާ ސިންގް ވަނީ ރާއްޖެ ހޮނިހިރު ދުވަހު ރާއްޖެއައިސްފައެވެ.

މިރޭގެ ޝޯގައި ދިވެހި ފަންނާނުންގެ ތަފާތު ހުށަހެޅުންތައް ފެނިގެންދާނެ އެވެ.