ދިރާގުން ފައިބާ ކޭބަލް ގުޅައިދޭ މުއްދަތު ޖެނުއަރީ މަހުގެ 31 އަށް އިތުރުކޮށްފި
ހޯމް ބްރޯޑްބޭންޑް ފައިބަރ ކަނެކްޝަން ހިލޭ ގުޅައިދޭ ޕްރޮމޯޝަން ފެށީ މިދިޔަ ނޮވެމްބަރު މަހުގެ ތެރޭގައި
ދިރާގު
ދިރާގު ހޯމް ބްރޯޑްބޭންޑް ފައިބަރ ކަނެކްޝަން ހިލޭ ގުޅައިދޭ ޕްރޮމޯޝަންގެ މުއްދަތު އަންނަ ޖެނުއަރީ މަހުގެ 31 އަށް އިތުރުކޮށްފިއެއެވެ.
ދިރާގުން އެކުންފުނީގެ ހޯމް ބްރޯޑްބޭންޑް ފައިބަރ ކަނެކްޝަން ހިލޭ ގުޅާދޭ ޕްރޮމޯޝަން ފެށީ މިދިޔަ ނޮވެމްބަރު މަހުގެ ތެރޭގައެވެ.
މާލެ ހުޅުމާލެ އަދި ވިލިމާލޭގެ އިތުރުން ރާއްޖޭގެ 17 ރަށެއްގައި ދިރާގުން ފައިބަރ ނެޓްވޯކް އަޅާފައިވާއިރު ދިރާގުން ބުނީ "ފައިބަރ ޓު ދަ ހޯމް ކަނެކްޝަން"ގެ ދަށުން 100 އެމްބީޕީއެސްއާ ހަމައަށް ސްޕީޑް ލިބޭނެ ކަމަށެވެ.
އެ ޕްރޮމޯޝަންގެ ދަށުން އިންޓަނެޓް ކަނެކްޝަނަށް އެދޭ ފަރާތްތަކަށް ތިން މަސް ދުވަހުގެ މަހު ފީ އިން 25 އިންސައްތަ ޑިސްކައުންޓެއް ލިބޭނެ ކަމަށް ދިރާގުން ބުނެއެވެ.
ދިރާގު ފައިބަރ ބްރޯޑްބޭންޑުންގެ ހިދުމަތުން ފަސް އެމްބީޕީއެސް އިން ފެށިގެން 1،000 އެމްބީޕީއެސްއާ ހަމައަށް 5، 10، 15، 25، 50 އަދި 100 އެމްބީޕީއެސް ލިބޭނެއެވެ.
