ސެއިންޓް ޕީޓަސްބާގްގެ ސުޕަމާކެޓެއްގައި ބޮމެއް ގޮއްވާލައި މަދުވެގެން ހަތަރު މީހަކު ޒަޚަމްވެއްޖެ
28 ޑިސެމްބަރު 2017 | ބުރާސްފަތި 00:20ހާދިސާގެ ޒިންމާ އަދި އެއްވެސް ފަރާތަކުން އުފުލާފައެއް ނުވޭ
ސެއިންޓް ޕީޓަސްބާގް މަގެއްގައި ބަޔަކު ހިނގާފައި ދަނީ
ރަޝިއާގެ ސިޓީއެއް ކަމަށްވާ ސެއިންޓް ޕީޓަސްބާގްގެ ސުޕަމާކެޓެއްގައި ހިންގި ބޮންގޮއްވުމުގެ ހާދިސާއެއްގައި މަދުވެގެން ހަތަރު މީހަކު ޒަޚަމްވެއްޖެ ކަމަށް ރިޕޯޓުތައް ބުނެފިއެވެ.
ރިޕޯޓުތައް ބުނާ ގޮތުން ބުދަ ދުވަހުގެ ރޭގައި ދިން މި ހަމަލާ ދީފައިވަނީ ސެއިންޓް ޕީޓަސްބާގް ގެ ކެލިނިންސްކީ ޑިސްޓްރިކްޓް ގައި ހުންނަ ސުޕަމާކެޓަކަށް އަންނަ ކަސްޓަމަރުންގެ ދަބަސްތައް ބަހައްޓަން ހުންނަ ސްޓޯރޭޖް ސަރަހައްދުގައެވެ.
ސެއިންޓް ޕީޓަސްބާގް ގެ ސުޕަމާކެޓެއްގައި ހިންގި ބޮންގޮއްވުމުގެ ހާދިސާގެ ޒިންމާ އަދި އެއްވެސް ފަރާތަކުން އުފުލާފައެއް ނުވެއެވެ.
ކަމާބެހޭ ފަރާތްތަކުން މި މައްސަލައިގެ ތަހުގީގު ދަނީ ކުރަމުންނެވެ.
މިދިޔަ އޭޕްރީލްގައި ސެއިންޓް ޕީޓަސްބާގްގެ ސަބްވޭއެއްގައި ދިން ހަށިގޮއްވުމުގެ ހަމަލާއެއްގައި 16 މީހުން މަރުވެ 50 އަށްވުރެ ގިނަ މީހުން ޒަޚަމްވެފައިވެއެވެ.
