އަކްޝޭގެ އެންމެ ކާމިޔާބު ފިލްމަކީ "ޓޮއިލެޓް"
މިފިލްމަކީ އިންޑިއާގެ ފަގީރު ހިސާބުތަކުގައި ފާޚާނާތައް ހެދުމުގެ މުހިންމު ކަމުގެ މައްޗަށް އަލިއަޅުވާލާ ހަދާފައިވާ ފިލްމެއް
އަކްޝޭގެ "ޓޮއިލެޓް"ގެ ޕޯސްޓަރެއް
މިދިޔަމަހުގެ 11 ގައި ސިނަމާތަކަށް އައި އަކްޝޭ ކުމާރުގެ "ޓޮއިލެޓް އޭކް ޕްރޭމް ކަތާ" އަކީ އޭނާގެ އެންމެ ކާމިޔާބު ފިލްމަށް ވެއްޖެއެވެ.
މި ފިލްމަށް މިހާތަނަށް ވަނީ 215.02 ކްރޯޑް ރުޕީސް ލިބިފައެވެ. މީގެ ކުރިން އަކްޝޭގެ އެންމެ ކާމިޔާބު ފިލްމެއްގެ ގޮތުގައި އޮތީ "ރައުޑީ ތާތޯރް" އެވެ. އެފިލްމަށް ލިބިފައިވަނީ 133.25 ކްރޯޑް އިންޑިއަން ރުޕީސްއެވެ.
މިފިލްމަކީ އިންޑިއާގެ ފަގީރު ހިސާބުތަކުގައި ފާޚާނާތައް ހެދުމުގެ މުހިންމު ކަމުގެ މައްޗަށް އަލިއަޅުވާލާ ހަދާފައިވާ ފިލްމެކެވެ.
ޝްރީ ނަރަޔަން ސިންގު ޑައިރެކްޓް ކޮށްފައިވާ ކޯޕްރޮޑިއުސް ކޮށްފައިވަނީ އަކްޝޭ ކުމާރާއި ނީރާޖް ޕާންޑޭއެވެ. މި ފިލްމުގެ ލީޑުރޯލުން ފެނިގެންދަނީ އަކްޝޭ ކުމާރާއި ބޫމީ ޕެޑްނެކާއެވެ. މިއީ އަކްޝޭ ކުމާރާއި ބޫމީ ޕެޑްނެކާގެ ފުރަތަމަ ފިލްމެވެ.
