ގޭމް ކުޅުމަށް އުރީދޫން ހާއްސަ ޕެކޭޖްތަކެއް ތައާރަފުކޮށްފި
މި ޕެކްތައް ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށްވެސް ބޭނުންކުރެވޭނެ
އެޕްއެންގޭމް ޕެކް ޕޯސްޓަރު
އުރީދޫ އިން އެޕްއެންގޭމް ޕެކް ގެ ނަމުގައި މުޅިން އައު 3 ޑޭޓާޕެކް ހޮނިހިރު ދުވަހު ތައާރަފު ކޮށްފިއެވެ.
އިންޓަރނެޓް ބޭނުންކުރުމަށް ޑޭޓާ އެލަވަންސް، އަދި މަގުބޫލް މޯބައިލް އެޕް ބޭނުންކުރުމަށް ވަކި ޑޭޓާ އެލަވަންސެއް ކަނޑައެޅިފައިވާ މި ޕެކްތަކަކީ ވަރަށް އެކަށޭނަ އަގުތަކެއްގައި ރާއްޖެއަށް މުޅިން އަލަށް ތައާރަފު ކުރެވުނު ޕެކްތަކެއް ކަމަށް އުރީދޫ އިން ބުނެއެވެ.
އުރީދޫ އެޕްއެންގޭމް ޕެކްތަކަކީ ސްނެޕްޗެޓް، ސައުންޑްކްލައުޑް، ކްލޭޝް އޮފް ކްލޭންސް، އަދި އައިއެމްއޯ ފަދަ ސްމާރޓް ފޯން ބޭނުންކުރާ ފަރާތްތަކުގެ މެދުގައި މަގުބޫލް އެޕްތައް ބޭނުންކުރުމަށް ވަކި ޑޭޓާ އެލަވަންސެއް އެކުލެވިގެންވާ ޕެކް ތަކެކެވެ. އުރީދޫ އިން ތައާރަފު ކުރެވުނު ޕެކްތަކަކީ:
- 159 ރުފިޔާއަށް 1.5ޖީބީ: އެޕްތައް ބޭނުންކުރެއްވުމަށް 711 އެމްބީ، އަދި އުރީދޫ ނަމްބަރުތަކަށް ގުޅުއްވުމަށް 50 މިނެޓް
- 259 ރުފިޔާއަށް 4ޖީބީ: އެޕްތައް ބޭނުންކުރެއްވުމަށް 1 ޖީބީ، އަދި އުރީދޫ ނަމްބަރުތަކަށް ގުޅުއްވުމަށް 150 މިނެޓް
- 359 ރުފިޔާއަށް 8ޖީބީ: އެޕްތައް ބޭނުންކުރެއްވުމަށް 2 ޖީބީ، އަދި އުރީދޫ ނަމްބަރުތަކަށް ގުޅުއްވުމަށް 250 މިނެޓް
އުރީދޫ އެޕްއެންގޭމް ޕެކްތަކަކީ ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށްވެސް ބޭނުންކުރެވޭ ގޮތަށް ފަރުމާ ކުރެވިފައިވާ ޕެކްތަކެކެވެ. އަދި އެޕްއެންގޭމް ޕެކްތަކުގެ ކޮންމެ ޕެކެއްވެސް 30 ދުވަހުގެ މުއްދަތަށް ބޭނުން ކުރެއްވޭނެއެވެ.
އުރީދޫ އެޕްއެންގޭމް ޕެކް އެކްޓިވޭޓް ކުރެއްވުމަށް *929*2# އަށް ޑައިލް ކުރުމުން އެޕްއެންޑްގޭމް ޕެކް އެކްޓިވޭޓްވެގެންދާނެ ކަމަށް އުރީދޫ އިން ބުންޏެވެ.
