ޖާވާއަށް ބިންހެލުމެއް އައި ނަމަވެސް ރާއްޖެއަށް ނުރައްކަލެއް ނެތް: މެޓް އޮފީސް
15 ޑިސެމްބަރު 2017 | ހުކުރު 17:46މި ބިންހެލުން އައިސްފައިވަނީ ހުކުރު ދުވަހުގެ ރޭ ރާއްޖެ ގަޑިން 21:47 ގައި
އަހްމަދު ސާއިފް ޝިޔާދް | 15 ޑިސެމްބަރު 2017 | ހުކުރު 17:46
ބިންހެލުން އައި ސަރަހައްދު
އިންޑޮނޭޝިއާގެ ޖާވާއަށް ހުކުރު ދުވަހުގެ ރޭގެ ވަގުތެއްގައި އައި ބާރުގަދަ ބިންހެލުމުގެ ނުރައްކަލެއް ރާއްޖެއަށް ނެތްކަމަށް މެޓް އޮފީހުން ބުނެފިއެވެ.
މެޓް އޮފީހުން ކުރި ޓްވީޓެއްގައި ވަނީ ހުކުރު ދުވަހުގެ ރޭ ރާއްޖެ ގަޑިން 21:47 ގައި އިންޑޮނޭޝިއާގެ ޖާވާއަށް އައި ބިންހެލުމުގެ ސަބަބުން އެއްވެސް ނުރައްކަލެއް ރާއްޖެއަށް ނެތްކަމަށެވެ.
މި ބިންހެލުން އައިސްފައިވަނީ ރާއްޖެއާ 4066 ކިލޯމީޓަރު ދުރަށް ކަމަށްވެސް މެޓް އޮފީހުން ބުނެއެވެ.
މި ބިންހެލުން އައިސްފައިވަނީ 6.6 މެގްނިޓިއުޑް ބާރުމިނުގައެވެ. މި ބިންހެލުން އައިސްފައިވަނީ ކަނޑުގެ 57 މޭލު އަޑިއަށް ކަމަށް ޔޫއެސް ޖިއޮލޮޖިކަލް ސާވޭއިން ހާމަކުރެއެވެ. މި ބިންހެލުމުގެ ސަބަބުން ސުނާމީގެ އިންޒާރެއް ދީފައެއް ނުވެއެވެ.
