ޕެޑްމެންގެ އާ ޕޯސްޓަރެއް ދައްކާލައިފި

އަކްޝޭގެ ކޮމެޑީ ޑްރާމާ ފިލްމު "ޕެޑްމޭން" ގެ އާ ޕޯސްޓަރެއް އަނެއްކާވެސް ދައްކާލައިފިއެވެ.

އަކްޝޭގެ ރަސްމީ ޓްވިޓާ އެކައުންޓުން ކޮށްފައިވާ މި ޕޯސްޓަރުގައި ފެންނަނީ އަކްޝޭ އަތަށް ކަފަތަކެއްލައިގެން ހެވިފައި ހުންނަ މަންޒަރެވެ.

މި ފިލްމު އެޅުވުމަށް ހަމަޖެހިފައިވަނީ އަންނަ އަހަރު އިންޑިއާގެ ޖުމްހޫރީ ދުވަހުގައެވެ. މި ފިލްމުގެ ލީޑް ރޯލުން ފެނިގެންދަނީ އަކްޝޭގެ އިތުރުން ސޯނަމް ކަޕޫރު އަދި ރާދިކާ އެވެ. އަދި މީގެ އިތުރުން އަމީތާބް ބައްޗަން ފިލްމުގެ ޚާއްސަ ރޯލަކުން ފެނިގެންދާނެއެވެ. މި ފިލްމަކީ ގޯރީ ޝިންޑޭ އާއިއެކު ޓްވިންކަލް ކައްނާ ޕްރޮޑަކްޝަން އިން އުފައްދާ ފިލްމެކެވެ.

ފިލްމުގެ ޝޫޓިން ފަށާފައިވަނީ މިއަހަރުގެ މާޗް މަހުގައެވެ. ޝޫޓް ކޮށްފައިވަނީ އިންޑިއާގެ ދިއްލީގައެވެ. އަކްޝޭ ކުމާރް ދަނީ މިހާރު އޭނާގެ ކުރިއަށް އޮތް ފިލްމް "ޕެޑްމޭން" ނެރުމުގެ އެންމެ ފަހުގެ ތައްޔާރީތައް ވަމުންނެވެ.

މި ފިލްމް ބިނާކޮށްފައި ވަނީ ހެޔޮ އަގުގައި އަންހެން ވެރިންނަށް ޕެޑް ފޯރުކޮށްދިނުމުގެ މަގްސަދުގައި ޕެޑް ހަދާ މެޝިނެއް އުފެއްދި އަރޫނާޗަލަމް މުރުގަނަންތަމްގެ މައްޗަށެވެ. އަކްޝޭގެ މި ފިލްމުން ފެނިގެން ދަނީ އަރޫނާޗަލަމް މުރުގަނަންތަމްގެ ރޯލުންނެވެ.

ބީބީސީއަށް ދިން އިންޓަވިއުއެއްގައި ޓްވިންކަލް ވަނީ އޭނާއަށް މި ފިލްމުގެ ނެރޭޝަން ހެދުމަށް އުނދަގޫތަކާއި ދިމާވި ކަމަށާއި އެހެން ނަމަވެސް އަރޫނާޗަލަމް އެފިލްމުގެ ވާގޮތް ކައިރިން ބަލަންފެށި ކިޔައިދޭން ފެށުމުން ފަސޭހާވެގެން ދިޔަ ކަމަށެވެ. ޓްވިންކަލް ބުނީ އަކްޝޭކުމާރަކީ މި ފިލްމުގައި އެކްޓްކުރުމަށް އެންމެ އެކަށީގެންވާ މީހާކަމަށް އަރޫނާޗަލަމް ބުނެފައިވާ ކަމަށެވެ.