ސަންޖޭދަތު އެނބުރި އަންނަ ފިލްމު ކަމަށްވާ "ބޫމީ" ގެ ޓްރެއިލާ ދައްކާލައިފި އެވެ.
ޓްރެއިލާ ލޯންޗްކޮށް ދިނީ ސަންޖޭގެ "މުންނާބާއީ" ސީރީޒްގެ ޕްރޮޑިއުސަރު ވިންދޫ ވިނޯދް ޗޯޕްޅާ އެވެ. މި ފިލްމު ރިލީޒްކުރުމަށް ތައްޔާރުވަމުންދަނީ މިއަހަރުގެ ސެޕްޓެމްބަރުމަހުގެ 22 ވަނަ ދުވަހުއެވެ. ސަންޖޭ އެންމެ ފަހުން ފެނިގެން ގޮސްފައި ވަނީ ދެހާސް ސާދަވަނަ އަހަރު ނިކުތް "ޕީކޭ" އިންނެވެ.
މި ފިލްމުގެ ޕްރޮޑިއުސަރުންނަކީ ބޫޝަން ކުމާރާއި ސަންދީޕް ސިންގްއެވެ. އަދި މީގެ އިތުރުނ ސިދާންތު ގުޕްތާ، ޝޭކަރު ސުމަން އަދި ޝަރަދް ކެލްކަރް ކާސްޓަރުންގެ ތެރޭގައި ހިމެނެ އެވެ. "ބޫމީ" އަކީ ޖަޒުބާތުން ފުރިގެންވާ ބަދަލު ހިފުމުގެ ކަންތައްތަކެއް ފެނިގެންދާނެ ޑްރާމާ އެކެވެ. މި ފިލްމުގައި ބައްޕައަކާއި އަންހެން ދަރިފުޅުގެ ދެމެދުގައި އޮންނަ ވަރުގަދަ ގުޅުން ފެނިގެންދާނެ އެވެ.
"ބޫމީ" ގައި ސަންޖޭގެ އަންހެން ދަރިފުޅުގެ ރޯލުން ފެނިގެން ދަނީ އަދިތީ ރާއޯ ހައިދަރީ އެވެ. ލޯންޗިން ހަފުލާގައި ރަންބީރު ކަޕޫރް ވެސް ވަނީ ބައިވެރިވެފައެވެ.
