ކ. މާލެ
|
1 ޑިސެންބަރ 2017 | ހުކުރު 01:50
ދިރާގުން އައިފޯން 10 ގަތް ފުރަތަމަ ކަސްޓަމަރު
ދިރާގުން އައިފޯން 10 ގަތް ފުރަތަމަ ކަސްޓަމަރު
ސިމާހާ ނަސީމް
އައިފޯން 10
ދިރާގުން އައިފޯން 10 ލޯންޗްކޮށް، ވިއްކަން ފަށައިފި
 
ދިރާގުން ގެނައި އައިފޯން 10އެއްގެ ފުރަތަމަ ސްޓޮކް ވަނީ ހުސްވެފައި
 
ދިރާގުން އައިފޯން 10 ގެ ޕްރީއޯޑަރ ނަގަން ފަށާފައިވަނީ ނޮވެމްބަރ މަހުގެ 24 ވަނަ ދުވަހު

ކުލަގަދަ ރަސްމިއްޔާތެއްގައި އައިފޯން 10 ލޯންޗްކޮށް، ދިރާގުން އެ މޮޑެލްގެ ފޯނު ރާއްޖޭގައި ވިއްކަން ފަށައިފިއެވެ. 

ދިރާގުން ރާއްޖެއަށް ގެނައި އައިފޯން 10 ގެ ފުރަތަމަ ސްޓޮކް ބުރާސްފަތި ދުވަހުގެރޭ އެ ކުންފުނިން ދޫކޮށްފައިވަނީ ޕްރީއޯޑަރ މެދުވެރިކޮށް ފުރަތަމަ އިންސްޓޯލްމަންޓަށް ފައިސާ ދައްކާފައިވާ ކަސްޓަމަރުންނަށެވެ.

ދިރާގުގެ ޑިވައިސަސް މެނޭޖަރު އަހްމަދު އިޝާން ވިދާޅުވީ، އައިފޯން 10 ޕްރީއޯޑަރަށް ހުޅުވާލުމުން ލިބިގެންދިޔަ ފުރިހަމަ ތަރުހީބާއިއެކު، ގަޑީރެއްހާއިރު ތެރޭގައި އެ ކުންފުނިން ގެނައި ފުރަތަމަ ސްޓޮކް ވިކި ހުސްވި ކަމަށެވެ. އިޝާން ވިދާޅުވީ، މިވަގުތު ފޯނުގެ ސްޓޮކް ހުސްވެފައި ވީނަމަވެސް ކުރިއަށް އޮތް ހަފްތާގައި އައިފޯން 10 އެއްގެ އިތުރު ސްޓޮކެއް ރާއްޖެއަށް ގެނެސް، ފޯނު ގަތުމުގެ ފުރުޞަތު ކަސްޓަމަރުންނަށް ހުޅުވާލާނެ ކަމަށެވެ. 

ދިރާގުން އައިފޯން 10 ގެ ޕްރީއޯޑަރ ނަގަން ފަށާފައިވަނީ ނޮވެމްބަރ މަހުގެ 24 ވަނަ ދުވަހުއެވެ.

އެޕަލް ކުންފުނިން ތައާރަފުކޮށްފައިވާ އައިފޯން 10 ވަރަށް ޚާއްސަ ސިފަތަކެއް އެކުލެވިގެންވެއެވެ. އެގޮތުން ފޭސް ރިކޮގްނިޝަން ނުވަތަ މޫނު ބޭނުންކޮށްގެން ފޯނު އަންލޮކް ކުރެވޭ ފިޗަރއެއް ފޯނުގައި ހިމެނެއެވެ. އައިފޯން 10 ގައި ހޯމް ބަޓަންއެއް ހިމަނާފައި ނުވާއިރު، މި ފޯނަކީ ވަޔަރލެސްކޮށް ޗާޖްކުރެވޭ، އައިފޯންގެ އެހެން މޮޑެލްތަކާއި އަޅައި ބަލާއިރު އިތުރު ދެ ގަޑިއިރަށް ބެޓަރީގެ ބާރު ހިފަހައްޓާ ފޯނެކެވެ.

ދިރާގުން ބުނި އެ ކުންފުނީގެ މަޤްސަދަކީ ކަސްޓަމަރުންނަށް ލުއި ފަސޭހަކޮށް ފޯނު ލިބޭނެ އިންތިޒާމު ހަމަޖައްސައިދީ ރަނގަޅު ޚިދުމަތެއް ފޯރުކޮށްދިނުން ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާއިލް ނާއިލް ނަޝީދު
0%
0%
0%
0%
0%
0%
ކޮމެންޓް