"ފުކްރޭ ރިޓާންސް"ގެ ޓްރެއިލާ ނެރެފި
14 ނޮވެމްބަރު 2017 | އަންގާރަ 07:03ފިލްމް ސިނަމާތަކަށް އަންނާނީ އަންނަ މަހުގެ 15 ވަނަ ދުވަހު
"ފުކްރޭ ރިޓާންސް"ގެ ޕޯސްޓަރެއް
"ފުކްރޭ" ފްރަންޗައިޒްގެ ދެވަނަ ފިލްމު "ފުކްރޭ ރިޓާންސް"ގެ ޓްރެއިލާ ނެރެފިއެވެ.
މުރިގްދީޕް ސިންހް ޑައިރެކްޓްކޮށްފައިވާ މި ފިލްމު ސިނަމާތަކަށް އަންނާނީ އަންނަ މަހުގެ 15 ވަނަ ދުވަހު އެވެ. "ފުކްރޭ ރިޓާންސް" އިން ފެނިގެންދާ ތަރިންގެ ތެރޭގައި ޕުލްކިތު ސަމްރާޓް، ވަރުން ޝަރްމާ، އަލީ ފަޒާލް، މަންޖޯތު ސިންގް އަދި ރިޗާ ޗައްޑާ ހިމެނެއެވެ.
މީގެ އިތުރުން މި ފިލްމްގައި ޕްރިޔާ އާނަންދް އާއި ވިޝާކާ ސިންގްގެ އިތުރުން ޕަންކަޖް ތްރިޕާތީގެ އެކްޓިން ވެސް ފެނިގެންދާނެ އެވެ.
ޓްރެއިލާއިން ފެންނަ ގޮތުގައި ސަމްރާޓް އާއި ވަރުން ޝަރްމާ ފެނިގެންދަނީ ވަރަށް ގާތް ދެ ރަހުމަތްތެރިންގެ ރޯލުންނެވެ. އަލީ ފަޒާލް ފެނިގެންދަނީ މިއުޒީޝަނެއްގެ ރޯލުންނެވެ. މި ފިލްމު ޕްރޮޑިއުސްކޮށްފައި ވަނީ ފަރްހާން އަޚްތަރު އަދި ރިތޭޝް ސިދްވާނީއެވެ.
"ފުކްރޭ ރިޓާންސް"އަކީ 28 ކުރޯޑް އިންޑިއަން ރުޕީސްގެ ބަޖެޓަކުން އުފައްދާފައިވާ ފިލްމެކެވެ. "ފުކްރޭ ރިޓާންސް"ގެ ފުރަތަމަ ބައި "ފުކްރޭ" ނެރެފައިވަނީ 2013 ވަނަ އަހަރުގައެވެ. ކުޑަ ބަޖެޓަކުން އުފެއްދި އެ ފިލްމަށް ބޮޑު ތަރުހީބެއް ލިބިގެން ގޮސްފައި ވެއެވެ.
