ކުއްތާތައް ބޭނުންކޮށްގެން ވިލިމާލޭގައި ޚާއްސަ އޮޕަރޭޝަނެއް ހިންގަނީ
2 ނޮވެމްބަރު 2017 | ބުރާސްފަތި 11:30މިއީ ކޮންކަމަކާ ގުޅޭ އޮޕަރޭޝަނެއް ކަމެއް ނޭނގޭ
އާމިނަތު ނުޒުހާ | 2 ނޮވެމްބަރު 2017 | ބުރާސްފަތި 11:30
ކުއްތާ ބޭނުންކޮށްގެން ތަނެއް ބަލާ ފާސްކުރަނީ
ޑޯގް ސްކޮޑް ނުވަތަ ފާރަގެމަ ބޭނުންކޮށްގެން ފުލުހުން ވިލިމާލޭގައި ޚާއްސަ އޮޕަރޭޝަނެއް ހިންގަމުން އެބަދެއެވެ.
ރާއްޖެއެމްވީއަށް މައުލޫމާތު ދެއްވަމުން ފުލުހުން ބުނީ ކުއްތާ ބޭނުންކޮށްގެން ވިލިމާލޭގައި ޚާއްސަ އޮޕަރޭޝަނެއް ފަށާފައިވާ ކަމަށެވެ. އަދި މި ވަގުތު އިތުރު މައުލޫމާތު ދެވެން ނެތް ކަމަށް ފުލުހުން ބުންޏެވެ.
މަސްތުވާތަކެތި ހޯދުމާއި ތަންތަން ބަލާ ފާސްކުރުމަށް ދޭތެރެ ދޭތެރެއިން ފުލުހުން ކުއްތާ ބޭނުންކުރަމުންދެއެވެ. އަދި އެ އޮޕަރޭޝަންތަކުގައި މަސްތުވާތަކެތި ހޯދާފައި ވެސް ވެއެވެ.
ވިލިމާލޭގައި ހިންގަނީ ކޮން ކަހަލަ އޮޕަރޭޝަނެއް ކަމެއް ފުލުހުން ނުބުނެއެވެ.
