ކެޓަލޯނިއާގެ ކުރީގެ ލީޑަރުގެ މައްޗަށް ކޮށްފައިވާ ދައުވާއަށް ޖަވާބުދާރީވާން ސްޕެއިން އަށް ވަޑައިނުގަންނަވާނެ: ލޯޔަރު
2 ނޮވެމްބަރު 2017 | ބުރާސްފަތި 01:32ޕުއިޖްޑެމޮންޓް އާއި އޭނާގެ ކުރީގެ ސަރުކާރުގެ ބައެއް ބައިވެރިިންގެ މައްޗަށް ކުރެވޭ ދައުވާ އަކީ ދައުލަތާ ދެކޮޅަށް ނިކުތުމަށް ހިތްވަރުދިނުމުގެ ސަބަބުން ކުރެވޭ ދައުވާ
ކެޓަލޯނިއާގެ ކުރީގެ ލީޑަރު ޕުއިޖްޑެމޮންޓް
ކެޓަލޯނިއާގެ ކުރީގެ ލީޑަރު ކާލެސް ޕުއިޖްޑެމޮންޓް އޭނާގެ މައްޗަށް ސްޕެއިންގެ ދައުލަތުން ކޮށްފައިވާ ދައުވާއަށް ޖަވާބުދާރީވާން ސްޕެއިނަށް ވަޑައިނުގަންނަވާނެ ކަަމަށް އޭނާގެ ލޯޔަރު ވިދާޅުވެއްޖެއެވެ.
ޕުއިޖްޑެމޮންޓް ގެ ލޯޔަރު ޕޯލް ބެކާޓް ވިދާޅުވީ ޕުއިޖްޑެމޮންޓް އާ ސުއާލު ކުރަން ޖެހޭނީ ބެލްޖިއަމްގައި ކަމަށެވެ. ސްޕެއިންގެ މައި ސަރުކާރުން މަގާމުން ދުރުކޮށްފައިވާ ކެޓަލޯނިއާގެ ލީޑަރު ސްެޕެއިން ދޫކުރައްވާ މިހާރު ވަޑައިގެން އުޅުއްވަނީ ބެލްޖިއަމްގައެވެ.
މަގާމުން ދުރުކޮށްފައިވާ ކެޓަލޯނިއާގެ ލީޑަރު ކާލްސް ޕުއިޖްޑެމޮންޓް އާއި، އުވާލާފައިވާ ކެޓަލޯނިއާގެ ސަރުކާރުގެ 13 މީހަކާއި ދެކޮޅަށް ހިންގާ ތަހުގީގަށް ކޯޓަށް ހާޒިރުވުމަށް ވަނީ އަމުރު ނެރެފައެވެ.
ކެޓަލޯނިއާ ސަރަޙައްދުގެ ކުރީގެ ލީޑަރު އަދި އޭނާގެ ސަރުކާރުގެ 13 މީހަކު ހާޒިރުވުމަށް ސްޕެއިންގެ މަތީ ކޯޓަކުން އަމުރު ނެރެފައިވަނީ، ސްޕެއިންގެ ބާރުގެ ދަށުން ކެޓަލޯނިއާ މިނިވަންކޮށް، ވަކި ދައުލަތެއް އުފެއްދުމަށް ކުރެއްވި މަސައްކަތްތަކާއި ގުޅިގެންނެވެ.
ސްޕެއިން އިން ހިޮނިހިރު ދުވަހު ވަނީ ކެޓަލޯނިއާ އަށް ދީފައި އޮތް ކޮންމެވެސްވަރެއްގެ މިނިވަންކަން، އެއްކޮށް ނިގުޅައިގެންފައެވެ. އަދި ކެޓަލޯނިއާގެ ލީޑަރު ކާލެސް ޕުއިޖްޑެމޮންޓް މަގާމުން ވެސް ދުރުކޮށްފައެވެ. މިކަމާ ގުޅޭގޮތުން ޕުއިޖްޑެމޮންޓް ވިދާޅުވީ ކެޓަލޯނިއާ، ސްޕެއިންގެ ފުރިހަމަ ބާުރުގެ ދަށަށް ގެނައުމާ ދެކޮޅަށް ސުލްހަވެރިކަމާއެކު އިހްތިޖާޖް ކުރަން ޖެހޭ ކަމަށާއި މަގާމުން ދުުުރުކުރި ފަރާތްތައް އެކުވެގެން "މިނިވަން ކެޓަލޯނިއާ އެއް ބިނާކުރައްވަން މަސައްކަތްޕުޅު ކުރައްވާނެ ކަމަށެވެ."
