ކަރީނާ ނަގަނީ 3 މަހުގެ ބްރޭކެއް
ކަރީނާ ބްރޭކް ނަގަނީ އޭނާގެ ދަރިފުޅަށް ވަގުތު ދޭން
ކަރީނާ ކަޕޫރާއި ތައިމޫރު
މިހާރު "ވީރޭ ދި ވެޑިން" ގެ ޝޫޓް ކުރަމުންދާ ކަރީނާ ކަޕޫރު ނަގަނީ 3 މަހުގެ ބްރޭކެއްކަމަށް މީޑިއާ ރިޕޯޓްތައް ބުނެފިއެވެ.
ވިހެއުމަށްފަހު ފިލްމު ކުޅުމާ ދުރުގައި އުޅުމަށްފަހު ކަރީނާ ފެނިގެންދާ ފުރަތަމަ ފިލްމު "ވީރޭ ދި ވެޑިން" ގެ ޝޫޓިން ނިންމާލުމަށްފަހު 3 މަހުގެ ބްރޭކެއް ނަގަން ނިންމީ އޭނާގެ 9 މަހުގެ ދަރިފުޅު ތައިމޫރަށް ވަގުތު ދިނުމަށެވެ. މި ފިލްމުގެ ޝޫޓިން ނިމޭނީ މިއަހަރުގެ ޑިސެމްބަރު މަހުގައެވެ. ޑިސެމްބަރުގައި ތައިމޫރަށް އެއް އަހަރު ފުރޭނެއެވެ. އެހެން ކަމުން އަންނަ އަހަރުގެ މާޗް މަހުގެ ނިޔަލަށް އޭނާ އެއްވެސް ފިލްމެއްގެ މަސައްކަތެއް ނުކުރާނެއެވެ.
ކަރީނާ ވަނީ މި ފިލްމު ކުޅުމަށް އޭނާ ވިހެއުމުވުންގައިގައި ޖަހާފައިވާ މަސްތަކާއި ބަރުދަން ވަރަށް ބޮޑުތަން ލުއިކޮށްފައެވެ. އޭނާ ވަނީ މި ފިލްމު ކުޅުމަށް ހަށިގަނޑު ކުރިން ހުރި ބައްޓަމަށް ރުޖޫއަ ކޮށްފަ އެވެ.
"ވީރޭ ދި ވެޑިން" ގައި ކަރީނާގެ އިތުރުން ފެނިގެންދާނީ ސޯނަމްއާ އެކު ސްވަރާ ބާސްކަރާއި ޝިކާ ޓަލްސާނިޔާއެވެ.
"ވީރޭ ދި ވެޑިން" ސިނަމާތަކަށް އަންނާނީ އަންނަ އަހަރުގެ މެއި މަހުގައެވެ.
