"ކުއެންޓިކޯ" ގެ 3 ވަނަ ސީޒަންގެ ޝޫޓިން ޕްރިޔަންކާ ޗޯޕްރާ ފަށައިފިއެވެ.
ޕްރިޔަންކާ ޗޯޕްރާ ވަނީ ނިއުޔޯކަށް އެނބުރި ދިޔަ ފޮޓޯތައް އިންސްޓަގްރާމުގައި އާންމުކޮށްފައެވެ. އެ ފޮޓޯތައް ލުމަށްފަހު ކެޕްޝަންގައި ޖަހާފައިވަނީ ނިއުޔޯކްގައި ހުންނަތާ ހަފްތާއެއް ވެއްޖެ ކަމަށާއި މިދުވަސްވަރު އިތުރު ދަތުރެއް ނުކުރެވޭނެ ކަމަށެވެ. އަދި އޭނާ ވަނީ "ކުއެންޓިކޯ3" ހޭޝްޓެގް ވެސް ކޮށްފައެވެ.
"ކުއަންޓިކޯ 3" ބެލުންތެރިންނާއި ހަމައަށް ފެންނަނީ 2018 ވަނަ އަހަރުގެ ޖެނުއަރީ މަހުގައެވެ. އަދި މި ސީރީޒްގެ ޝޫޓިން ނިމުމާއެކު ޕްރިޔަންކާ ވަނީ އެނބުރި އިންޑިޔާއަށް އަންނަން ނިންމާފައެވެ.
އަދި މިހާރު ދެ ފިލްމެއް ސްކިރިޕްޓް ކިޔާ ނިންމާފައިވާއިރު ޕްރިޔަންކާގެ ނިންމުމާއި އެކު ޕްރޮޑިއުސަރުން މިކަން އިއުލާންކުރާނެ ކަމަށް ރިޕޯޓްތައް ބުނެއެވެ.
ޕްރިޔަންކާގެ ހޮލީވުޑްގެ ފިލްމު "ބޭވޮޗް" ސިނަމާތަކަށް އައިސްފައިވަނީ މިއަހަރުގެ މެއިމަހުގެ 25 ވަނަ ދުވަހުގައެވެ. އެފިލްމަށް ވަނީ ބެލުންތެރިންގެ ތަރުހީބު ލިބިފައެވެ.
