ލަންކާގެ ރޭލު ޑްރައިވަރުން އިހުތިޖާޖުގައި، އެތައް ހާސްބަޔަކު ދަތުރު ނުކުރެވިފައި

އަވަށްޓެރި ސްރީލަންކާގައި ރޭލު ދުއްވާ ޑްރައިވަރުން އިހުތިޖާޖްކޮށް، މަސައްކަތް ކުރުމަށް ދެކޮޅު ހެދުމާއި ގުޅިގެން އެތައް ހާސް ބަޔަކު ދާން ޖެހޭ ތަންތަނަށް ނުދެވި ލަންކާގެ އެކި ހިސާބުތަކުގައި ތާށިވެއްޖެއެވެ.

ލަންކާގެ ރޭލު ދުއްވާ ޑްރައިވަރުން އިހްތިޖާޖުކުރަން ފެށި ލަންކާ ސަރުކާރުން އަލަށް ވަޒީފާއަށް ނިކުންނަށް ޑްރައިވަރުންނާއި ދޭތެރޭ ގެންގުޅޭ ފަސޭހަ އުޞޫލުތަކުގެ ސަބަބުން އެކަމާއި ހިތްހަމަނުޖެހިގެންނެވެ. ބުދަ ދުވަހު އިހްތިޖާޖް ފަށާފައި ވަނީ އޮފީސްތައް ނިމި، އެތައް ހާސް ބަޔަކު އެނބުރި ގެޔަށް ދިޔުމަށް ރޭލު ސްޓޭޝަންތަކަށް ދިޔަ ވަގުތުއެވެ. ރޭލުތައް ކެންސަލްވިކަން އެނގުމުން ރޭލު ސްޓޭޝަންތަކުގައި ހަމަނުޖެހުން ހިނގައި، ހަމަނުޖެހުންތައް ކޮންޓްރޯލްކުރަން ފުލުހުންގެ ޚާއްސަ ޓީމްތައްވެސް އިއްޔެ ނެރުނެވެ.

ލަންކާގެ ސަރުކާރުންވަނީ ރޭލުތައް ހުއްޓާލުމާއި ގުޅިގެން ތާށިވެފައިވާ ދަތުރުވެރިން ތަންތަނަށް ގެންދިޔުމަށް ގިނަ އަދަދެއްގެ ބަސްތަކެއް މަގުތަކަށް ނެރެފައެވެ. އަދި މިކަމުގެ ސަބަބުން ވެރިރަށް ކޮޅުނބާއި ކޮޅުނބުގެ ވަށައިގެންވާ ސަރަހައްދުތަކުގައި ޓްރެފިކް ވަރަށް ބޮޑަށް ކާރޫބާރޫ ބޮޑުވިއެވެ. މިމައްސަލަ ހައްލުކުރުމަށް މަސައްކަތް ކުރަމުންދާކަމަށް ލަންކާ ސަރުކާރުން ބުނެއެވެ.