ދިފާޢު ކުރި މިސައިލްތަކެއްގެ ބައިތަކެއް މައްކާގެ ސަބޫޙާ އަވަށަށް ވެއްޓިއްޖެ
12 ނޮވެމްބަރު 2026 | ބުރާސްފަތި 04:14ޔަމަނުގެ ހޫޘީން ސަޢުދީ ޢަރަބިއްޔާގެ އެކި ސަރަހައްދުތަކަށް އަމާޒުކޮށް ފޮނުވާލި ގިނަ އަދަދެއްގެ މިސައިލާއި ޑްރޯންތަކެއް އެ ޤައުމުގެ ދިފާޢީ ބާރުތަކުން ހުއްޓުވައި ނައްތާލައިފި. މި ހަމަލާތަކާ ގުޅިގެން ދެ ފަރާތުގެ މެދުގައި އޮތް ނުތަނަވަސްކަން އިތުރަށް ބޮޑުވެފައިވާއިރު، ސަޢުދީ އިއްތިހާދުން ވެސް ދަނީ ހޫޘީންގެ އަމާޒުތަކަށް ރައްދުގައި ހަމަލާދެމުން.
ސަޢުދީ ޢަރަބިއްޔާގެ މައްކާ އަދި މަދީނާ ސަރަހައްދަށް ހަމަލާދިނުމަށް ހޫޘީން ފޮނުވައިލި މިސައިލްތަކެއް ދިފާޢު ކުރުމުން އޭގެ ބައިތައް ވެއްޓުނު ސަރަހައްދުގައި ސަޢުދީ ސަލާމަތީ ބާރުގެ އޮފިޝަލުން ހަރަކާތްތެރި ވަނީ | އެސްޕީއޭ
ބުރާސްފަތި ދުވަހުގެ ފަތިހު ވައިގެ ދިފާޢީ ނިޒާމުން ހުއްޓުވައި ވައްޓާލި ދެ ބެލިސްޓިކް މިސައިލުގެ ބައިތައް، ސަޢުދީ ޢަރަބިއްޔާގެ މައްކާ ސަރަހައްދުގައި އޮންނަ ސަބޫޙާ އަވަށަށް ވެއްޓިފައިވާ ކަމަށް އެ ޤައުމުން ބުނެފި އެވެ.
އެ މިސައިލްތައް ފޮނުވާލާފައި ވަނީ ޔަމަނުގެ ހޫޘީ ޖަމާޢަތުން ކަމަށް ސަޢުދީ ސިވިލް ޑިފެންސުން ބުންޏެވެ. ހަމަމިއާއެކު، ސަޢުދީން އިސްވެ އުފެއްދި އަސްކަރީ އިއްތިހާދުގެ ވައިގެ ދިފާޢީ ބާރުތަކުން ސަޢުދީގެ އިރުމަތީ ޕްރޮވިންސުން ޑްރޯނެއް ހުއްޓުވައި ނައްތާލާފައިވާ ކަމަށް އެ އިއްތިހާދުގެ ތަރުޖަމާނު ތުރުކީ އަލް-މާލިކީ ވިދާޅުވި އެވެ.
ބުދަ ދުވަހު ވެސް ފަސް މިސައިލާއި ދެ ޑްރޯން ހުއްޓުވައި ނައްތާލާފައިވާ ކަމަށް އެ އިއްތިހާދުން ބުނެފައިވެ އެވެ. މި ގޮތުން، ރިޔާޟް ސަރަހައްދަށް އަމާޒުކޮށް ތިން ކްރޫޒް މިސައިލް ފޮނުވާލާފައިވާއިރު، ސަޢުދީގެ ހުޅަނގުން ދެ ބެލިސްޓިކް މިސައިލް ހުއްޓުވާފައިވާ ކަމަށް އެ އިއްތިހާދުން ބުންޏެވެ. އަދި، އެ ދެ ޑްރޯން ހުއްޓުވާފައި ވަނީ މައްކާ ސަރަހައްދުގެ ދެކުނުން ކަމަށް ވެސް އެއް އިއްތިހާދުން މަޢުލޫމާތު ދިނެވެ.
މި ހާދިސާތައް ހިނގާފައި މި ވަނީ ހޫޘީންނާއި ސަޢު އަސްކަރީ އިއްތިހާދާ ދެމެދު ހަމަނުޖެހުންތައް އިތުރަށް ހޫނުވެފައިވާ ދަނޑިވަޅެއްގަ އެވެ. ހޫޘީން ސަޢުދީއަށް އަމާޒުކޮށް ތަކުރާރުކޮށް މިސައިލާއި ޑްރޯން ހަމަލާތައް ދެމުންދާއިރު، އެ އިއްތިހާދުން ވެސް ދަނީ ޔަމަނުގައި ހުރި ހޫޘީންގެ އަމާޒުތަކަށް ހަމަލާތައް ދެމުންނެވެ.
މަސްދަރު: އަނަދޮލު އޭޖެންސީ
