ދިވެހިންގެ ބިން ޔަހޫދީންނަށް ވިއްކާލާ އިރު އަހަރެމެން މިތިބެނީ ބަލަންތޯ؟ ހުވާކޮށްގެންތިބި ސިފައިންނާއި ފުލުހުން ކޮބައިތޯ؟ ޤައުމުދެކެވީ ލޯބި ވިއްކާލީތޯ؟

ދިވެހިރާއްޖޭގެ ބިމަކީ ސިއްރުން ހެދޭ އެއްބަސްވުންތަކުން ވިއްކަން އޮތް ވިޔަފާރީ މުދަލެއް ނޫނެވެ. އެއީ އަޖްދާދުންގެ ވިރާސަތާއި، ޤައުމުގެ ފަޚްރާއި، އަންނަން އޮތް ޖީލުތަކުގެ ހައްޤެވެ.

ދިވެހި ބިމާއި ބޭރުގެ ފަރާތްތަކުގެ މަންފާތަކާ ގުޅިގެން އުފެދިފައިވާ ޚިލާފުތަކާއެކު، މިއަދު ބޮޑު ސުވާލެއް އުފެދެ އެވެ. ސިހްޔޫނީވާދީ ފުޅާވުމުގެ މަޤްސަދުތަކާ ގުޅުންހުރި މަންފާތަކުގެ ދަށަށް އަޅުގަނޑުމެންގެ ވަތަން ދަނީ ބާވަ އެވެ. 

ދިވެހިރާއްޖޭގެ ޤާނޫނު އަސާސީން ރާއްޖޭގެ ބިން ބޭރުގެ ފަރާތްތަކަށް މިލްކުވުން މަނާކުރެ އެވެ. އެހެނަސް، ޤައުމުގެ ބިން ރައްކާތެރިކުރެވޭ ފަދަ ޚިޔާލެއް އަދި ފިކުރެެއް ވެސް ފައިސާ ފެނުމުން ނެތް ބަޔަކު މިއޮށްގެން ޤައުމު ލުހެލަނީ އެވެ. 

މި ލޯބިވާ ވަތަން ރައްކާތެރިކުރުމަށް ހުވާކޮށްފައިވާ ސިފައިންނާއި ފުލުހުން ކޮބައިތޯ އެވެ. އެމީހުންގެ ވަފާދާރީކަން އަމަލުން ފެންނަން ވާނީ ދިވެހިރާއްޖޭގެ މިނިވަންކަމަށާއި، ދިވެހި ރައްޔިތުންނަށެވެ. އެއީ އެއްވެސް ރައީސަކަށް، ސަރުކާރަކަށް ނުވަތަ ސިޔާސީ ޕާޓީއަކަށް ދޭ ވަފާދާރީކަމެއް ނޫނެވެ.

ވަތަން ދިފާއުކުރުމަކީ ޤާނޫނު އަސާސީ އިސްކޮށް، އެއްވެސް ބޭރުގެ ބާރަކަށް އަޅުގަނޑުމެންގެ މިނިވަންކަމަށް ނުރައްކަލެއް ނުކުރާނެކަން އަމަލުން ޔަޤީންކުރުމެވެ.

މާޒީގެ ކާބަފައިން މި ޤައުމު ރައްކާކުރީ، ފަހުގެ ޖީލުތަކަށް ބޭރުގެ މަންފާތަކުގެ ދަށުގައިވާ ވަތަނެއް ވިރާސަތްކުރުމަށް ނޫނެވެ. މި ސަރުކާރުގެ ކޮންމެ އިސްވެރިއަކާއި ކޮންމެ އެހީތެރިއަކު މި ކަން ހަނދާން ކުރަންޖެހެ އެވެ. ސަރުކާރުތައް އައިސް ދާނެ އެވެ. އެކަމަކު ޤައުމު ދާއިމީ އެވެ. އަޅުގަނޑުމެންގެ މިނިވަންކަމަކީ ވިޔަފާރިކުރާނެ އެއްޗެއް ނޫނެވެ.

ދިވެހިރާއްޖެ އަކީ ދިވެހިންގެ ވަތަނެވެ. ވިއްކާލަން އޮތް މުދާގަނޑެއް ނޫނެވެ. ޚިޔާނާތްތެރިވުމަށް އޮތް ފާލަމެއް ނޫނެވެ. ޔަހޫދީންނަށް ބިން ވިއްކާލަން ތިކުރާ މަސައްކަތް ވަގުތުން ހުއްޓާށެވެ.