ހުޅުމާލެއިން ގައުކުނޑި އުކާނުލެވޭތާ 2 ހަފްތާއަށްވުރެ ގިނަ ދުވަސްވެއްޖެ: ވެމްކޯއިން ބުނަނީ ސަބަބު ބުނެދެވެން ނެތްކަމަށް!
29 ސެޕްޓެމްބަރު 2026 | އަންގާރަ 13:32ހުޅުމާލެއިން ގައުކުނޑި އުކާލުމުގެ ޚިދުމަތް މެދުކެނޑިފައިވަނީ ޓެކްނިކަލް މައްސަލައަކާ ގުޅިގެން ކަމަށް ވެމްކޯއިން ބުނި ނަމަވެސް، އެއީ ކޮން މައްސަލައެއްކަން ހާމަކުރަން އެ ކުންފުނިން ވަނީ ދެކޮޅު ހަދާފައި. ޚިދުމަތް މެދުކެނޑި ދިގުލައިގެން ދާތީ އާންމު ރައްޔިތުން އަންނަނީ ބޮޑެތި ކަންބޮޑުވުންތަކެއް ފާޅުކުރަމުން
ހުޅުމާލެއިން ގައުކުނޑި އުކާނުލެވޭތާ 2 ހަފްތާއަށްވުރެ ގިނަ ދުވަސްވެއްޖެ: ވެމްކޯއިން ބުނަނީ ސަބަބު ބުނެދެވެން ނެތްކަމަށް! | ރާއްޖެ އެމްވީ
ހުޅުމާލެއިން ގައުކުނޑި އުކާނުލެވޭތާ 2 ހަފްތާއަށް ވުރެ ގިނަ ދުވަސްވެފައިވާއިރު، އެ އުކާނުލެވޭ ސަބަބު ބުނެދެވެން ނެތް ކަމަށް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ބުނެފި އެވެ.
ގައުކުނޑި އުކާލުމަށް ވެމްކޯއިން އެތައް ދަތިތަކެއް ދިމާާވެ، އާންމު ރައްޔިތުން ދަނީ ކަންބޮޑުވުން ފާޅުކުރަމުންނެވެ. އެގޮތުން ރާއްޖެ އެމްވީ އަށް މައުލޫމާތު ދެމުން ބައެއް ފަރާތްތަކުން ބުނެފައި ވަނީ، ގައުކުނޑި އުކާލުމުގައި މިހާރު އިންތިހާ އަށް ދަތިވެފައިވާ ކަމަށާއި، 2 ހަފުތާއަށް ވުރެ ގިނަ ދުވަސްވެގެންދާއިރު ވެސް ގައުކުނޑި އުކައިނުލެވޭ ކަމަށެވެ.
މިކަމާއި ގުޅޭގޮތުން މައުލޫމާތު ސާފުކުރަން ރާއްޖެޓީވީގެ "ފަށާއިރު" ޕްރޮގްރާމްގެ ތެރެއިން ވެމްކޯއަށް ގުޅުމުން ބުނެފައިވަނީ، ޓެކްނިކަލް މައްސަލައަކާއި ގުޅިގެން މިވަގުތު ހުޅުމާލެއިން ގައުކުނޑި އުކާނުލާ ކަމަށެވެ. ނަމަވެސް އެއީ ކޮންކަަހަލަ މައްސަލައެއް ކަމެއް ބުނެދޭން ވަނީ އިންކާރުކޮށްފަ އެވެ.
މިވަގުތަށް އުކާނުލެވޭ ހުޅުމާލޭގައި. އެއީ މިވަގުތަށް ގައުކުނޑި ނަގާނުލެވެނީ ހުޅުމާލޭގައި، (ޓެކްނިކަލް މައްސަލަ ޖެހުނީ އުޅަނދުތަކަށްތޯ؟) މައުލޫމާތު އަޅުގަނޑުމެންނަށް ނީނދޭ ހިއްސާކޮށްލެވޭކަށްވެމްކޯ
ވެމްކޯއިން އިތުރަށް ބުނީ މި މައްސަލަ ހައްލުކުރުމަށް ދަނީ މަސައްކަތް ކުރަމުން ކަމަށާއި، ހުޅުމާލެއިން ގައުކުނޑި ނުނެގުނު ނަމަވެސް، އަމިއްލަ ނޫނީ ސެންޓަރުތަކުގެ ޕިކައަޕުތަކުގައި އުކާލެވޭނެ ކަމަށެވެ. އަދި އިތުރު މައުލޫމާތު ސާފުކުރަން ބޭނުންނަމަ ޖެހޭނީ ލިޔުމަކުން ހުށަހަޅަން ކަމަށް ވެމްކޯއިން ބުނެ އެވެ.
ވެމްކޯ އިން ދެމުން އަންނަ ބައެއް ޚިދުމަތްތައް ހޯދުމުގައި އިންތިހާ އަށް ދަތިވެފައިވާތީ، އާންމު ރައްޔިތުން އަންނަނީ ކަންބޮޑުވުން ފާޅުކުރަމުންނެވެ.
