އެލް ސްޓޫޑިއޯ އިން ހާއްސަ އޮފަރތަކަކާއެކު އައިފޯން 18 ޕްރޯ ރާއްޖެއަށް ތައާރަފުކޮށްފި!
25 ސެޕްޓެމްބަރު 2026 | ހުކުރު 17:40އެލް ސްޓޫޑިއޯ އިން އަލަށް ތައާރަފުކުރި ފޯނުތަކާއެކު ހާއްސަ ޕްރޮމޯޝަނެއް ފަށާފައިވާއިރު، ފޯނު ގަންނަ ކަސްޓަމަރުންނަށް ހިލޭ އެޑަޕްޓަރަކާއި 500 ރުފިޔާގެ ކޭޝްބެކް އިނާޔަތެއް ލިބޭނެ. ރާއްޖޭގެ ފުރަތަމަ އެޕަލް މޯނޯ ސްޓޯރުން އެޕަލްގެ އަސްލު އުފެއްދުންތައް ތަޖުރިބާކޮށްލުމުގެ ފުރުސަތު މިހާރު ވަނީ އާންމުންނަށް ހުޅުވާލާފައި
އެލް ސްޓޫޑިއޯ އިން އަލަށް ތައާރަފުކުރި ފޯނުތަކާއެކު ހާއްސަ ޕްރޮމޯޝަނެއް ފަށާފައިވާއިރު، ފޯނު ގަންނަ ކަސްޓަމަރުންނަށް ހިލޭ އެޑަޕްޓަރަކާއި 500 ރުފިޔާގެ ކޭޝްބެކް އިނާޔަތެއް ލިބޭނެ | އެލް މޯބައިލް
ރާއްޖޭގައި އެޕަލްގެ އުފެއްދުންތައް ފުޅާދާއިރާއެއްގައި ވިއްކަމުން އަންނަ އެލް ސްޓޫޑިއޯއިން އެޕަލް ކުންފުނީގެ އެންމެ ފަހުގެ އުފެއްދުންތައް ކަމަށްވާ އައިފޯން 18 ޕްރޯ އަދި އައިފޯން 18 ޕްރޯ މެކްސް ރާއްޖޭގެ ބާޒާރަށް ރަސްމީކޮށް ތައާރަފުކޮށްފި އެވެ.
މި އައު ފޯނުތައް ބާޒާރަށް ނެރުމާ ގުޅިގެން ކަސްޓަމަރުންނަށް ހާއްސަ ޕްރޮމޯޝަންތަކެއް ކުރިއަށް ގެންދިއުމަށް އެލް ސްޓޫޑިއޯ އިން ވަނީ ނިންމާފަ އެވެ.
ހުކުރު ދުވަހު ފޯނު ގަންނަ ކަސްޓަމަރުންނަށް ހާއްސަ އޮފަރތަކެއް އެލް ސްޓޫޑިއޯއިން ވަނީ ހުޅުވާލާފަ އެވެ. އެގޮތުން ފޯނު ގަތުމަށްފަހު އެކްޓިވޭޓް ކުރާ ކަސްޓަމަރުންނަށް އެޕަލްގެ އަސްލު 20 ވޮޓްގެ އެޑަޕްޓަރެއް ހިލޭ ލިބޭނެ އެވެ. މީގެ އިތުރުން ކޮންމެ ފޯނަކާއެކު 500 ރުފިޔާގެ ކޭޝްބެކް އިނާޔަތެއް ލިބިގެންދާނެ ކަމަށް ވެސް އެލް ސްޓޫޑިއޯ އިން މައުލޫމާތުދެ އެވެ.
އެލް ސްޓޫޑިއޯ އަކީ ރާއްޖޭގައި ހުޅުވި ފުރަތަމަ އެޕަލް މޯނޯ ސްޓޯރެވެ. މި ފިހާރައިން ވިއްކާ ހުރިހާ އުފެއްދުންތަކަކީ އެޕަލް ކުންފުނީގެ އަސްލު އުފެއްދުންތަކެއްކަމުގެ ފުރިހަމަ ޔަގީންކަން ކަސްޓަމަރުންނަށް ލިބިގެންދެ އެވެ. މީގެ ތެރޭގައި އެޕަލްގެ އެކި މޮޑެލްތަކުގެ ފޯނުތަކާއި އެޕަލްގެ އަސްލު އެކްސެސަރީޒްތައް ހިމެނެ އެވެ.
ކަސްޓަމަރުންނަށް އެޕަލްގެ އުފެއްދުންތަކުގެ ފުރިހަމަ ތަޖުރިބާ ހޯދައިދިނުމަށްޓަކައި އެލް ސްޓޫޑިއޯގައި ހާއްސަ އިންތިޒާމުތަކެއް ވަނީ ހަމަޖައްސާފަ އެވެ. އެގޮތުން އެޕަލް ކުންފުނީގެ އެންމެ ފަހުގެ އުފެއްދުންތައް ކަސްޓަމަރުންނަށް ތަޖުރިބާ ކޮށްލުމުގެ ފުރުސަތު ދިނުމުގެ ގޮތުން ފިހާރައިގައި މި ތަކެތި ވަނީ ދައްކާލުމަށް ބަހައްޓާފަ އެވެ. މީގެ ސަބަބުން އުފެއްދުންތައް ގަތުމުގެ ކުރިން އޭގެ ފީޗާސްތަކާއި ފެންވަރު ވަޒަންކޮށްލުމުގެ ފުރުސަތު ކަސްޓަމަރުންނަށް ލިބިގެންދެ އެވެ.
އެލް ސްޓޫޑިއޯ އިން އަބަދުވެސް މަސައްކަތް ކުރަމުންދަނީ ދުނިޔޭގެ ބާޒާރަށް ނުކުންނަ އެޕަލްގެ އެންމެ ފަހުގެ އުފެއްދުންތައް ވީހާވެސް އަވަހަކަށް ދިވެހި ކަސްޓަމަރުންނާ ހަމައަށް ފޯރުކޮށްދިނުމަށް ކަމަށް އެ ކުންފުނިން ބުނެ އެވެ. މިގޮތުން މިހާރު ބާޒާރަށް ނެރުނު އައިފޯން 18 ޕްރޯ ސީރީޒްގެ ފޯނުތަކަކީ ވެސް ކަސްޓަމަރުންގެ މެދުގައި ބޮޑު މަގުބޫލުކަމެއް ލިބޭނެ އުފެއްދުންތަކެއް ކަމަށް އެ ފިހާރަ އިން އުންމީދުކުރާކަމަށް ވަނީ ބުނެފަ އެވެ.
