މެލޭޝިއާގެ ބޮޑުވަޒީރަށް ރާއްޖެއިން ރަސްމީ ޢިއްޒަތުގައި މަރުޙަބާ ދަންނަވައިފި
15 ސެޕްޓެމްބަރު 2026 | އަންގާރަ 05:57މެލޭޝިއާގެ ބޮޑުވަޒީރު އަންވަރު އިބްރާހީމަށް ރައީސް މުއިއްޒު މަރުހަބާ ވިދާޅުވީ ޖުމްހޫރީ މައިދާނުގައި ބޭއްވި ޚާއްސަ ރަސްމިއްޔާތެއްގައި. މި ރަސްމިއްޔާތުގައި ބޮޑުވަޒީރުގެ ޝަރަފުގައި 21 ބަޑީގެ ސަލާމެއް އެރުވުމުގެ އިތުރުން، ދަރުމަވަންތަ ސްކޫލުގެ ދަރިވަރުން ވަނީ ސަގާފީ ހުށަހެޅުމެއް ހުށަހަޅައިދީފައި. މީގެ އިތުރުން ދެ ޤައުމުގެ އިސްވެރިންނާއި ވަފުދުތަކުގެ މެންބަރުން ތައާރަފުވުން ވެސް މި ރަސްމިއްޔާތުގެ ތެރެއިން ކުރިއަށްދިޔަ
މެލޭޝިއާގެ ބޮޑުވަޒީރަށް ރާއްޖެއިން ރަސްމީ ޢިއްޒަތުގައި މަރުޙަބާ ދަންނަވައިފި | ރައީސް އޮފީސް
މެލޭޝިއާގެ ބޮޑުވަޒީރު އަންވަރު އިބްރާހީމަށް ރާއްޖެއިން ރަސްމީ ޢިއްޒަތުގައި މަރުޙަބާ ދަންނަވައިފި އެވެ.
ޖުމްހޫރީ މައިދާނުގައި އަންގާރަ ދުވަހު ބޭއްވެވި މި ރަސްމިއްޔާތުގައި، ބޮޑުވަޒީރު އަންވަރު އިބްރާހީމަށް ރަސްމީކޮށް މަރުޙަބާ ވިދާޅުވީ ރައީސް ޑރ. މުހައްމަދު މުއިއްޒެވެ.
މީގެ އިތުރަށް އެމަނިކުފާނަށް މަރުޙަބާ ދެންނެވުމުގެ ގޮތުން ދަރުމަވަންތަ ސްކޫލުގެ ދަރިވަރުން ސަގާފީ ހުށަހެޅުމެއް ހުށަހަޅައިދިނެވެ. އެއަށްފަހު މޯލްޑިވްސް ނޭޝަނަލް ޑިފެންސް ފޯސް، އެމްއެންޑީއެފުން ވަނީ 21 ބަޑީގެ ސަލާމެއް އަރުވާފަ އެވެ.
މިރަސްމިއްޔާތުގައި ބޮޑުވަޒީރު އަންވަރު އިބްރާހީމް ވަނީ އެމަނިކުފާނުގެ ޝަރަފުގައި ބޭއްވި ޝަރަފްގެ ގާޑް، އިންސްޕެކްޓް ކޮށްދެއްވާފަ އެވެ. އެއަށްފަހު، ބޮޑުވަޒީރު އަންވަރު އިބްރާހީމަށް ދިވެހި ދައުލަތުގެ އިއްޒަތްތެރީން މަރްޙަބާ ވިދާޅުވެ ތަޢާރަފުވެވަޑައިގަތުމާއި، މެލޭޝިއާގެ ވަފުދުގެ ބޭފުޅުން ތަޢާރަފުކޮށްދެއްވުން ވެސް އޮތެވެ.
