ޗެސް އޮލިމްޕިއާޑްގައި ވާދަކުރާ ދިވެހި ޓީމު އުޒްބަކިސްތާން އަށް ފުރައިފި

46 ވަނަ ފިޑޭ ޗެސް އޮލިމްޕިއާޑުގައި ވާދަކުރާ ރާއްޖޭގެ ޤައުމީ ޗެސް ޓީމު އުޒްބަކިސްތާން އަށް ފުރައިފި އެވެ. 

ޗެސް ޤައުމީ ޓީމު އާދީއްތަ ދުވަހު އުޒްބަކިސްތާން އަށް ފުރާފައިވާއިރު، މި މުބާާރާތް ކުރިއަށް ދާނީ އަންގާރަ ދުވަހުން ފެށިގެން، ސެޕްޓެމްބަރު މަހުގެ 28 ވަނަ ދުވަހުގެ ނިޔަލަށް އެ ޤައުމުގެ ސަމަކަންޑުގަ އެވެ. 

މުބާރާތުގައި ވާދަކުރާ ރާއްޖޭގެ ޤައުމީ ޗެސް ޓީމުގައި ހިމެނެނީ 10 ކުޅުންތެރިންނެވެ. އެއީ އަންހެން ފަސް ކުޅުންތެރިންނާއި ފިރިހެން ފަސް ކުޅުންތެރިންނެވެ. ޓީމުގައި ހިމެނޭ ފިރިހެން ކުޅުންތެރިންނަކީ މުހައްމަދު ޝުއާއު، މުހައްމަދު ހަސަން، އަބްދުއް ރަހުމާން އަލީ، މުހައްމަދު ރާކިން ފަޔާޒް އަދި އަހުމަދު އަބޫބަކުރު އެވެ. އަންހެން ކުޅުންތެރިންޔަކީ އީނާ އަބްދުﷲ ހަސަން، ނިހާޔާ އަހުމަދު، އާއިޝަތު އަލްޔާ މުހައްމަދު ޝަރީފް، މަރްޔަމް ލައިސާ އަބްދުއް ރަޝީދު އަދި އާއިޝަތު ނޯޔާ ޝަހުރުއްދީން އަފީފް އެވެ. 

މިއަހަރުގެ މުބާރާތުގައި ޖުމުލަ 1973 ކުޅުންތެރިން ވާދަކުރާނެ އެވެ. އެއީ 207 ފެޑަރޭޝަން އަކުންނެވެ. މުބާރާތް ކުރިއަށް ދާނީ އޯޕަން އަދި އަންހެން ކެޓަގަރީއަށެވެ. ކޮންމެ ދެ އަހަރަކުން އެއް އަހަރު ބާއްވާ މި މުބާރާތަކީ ދުނިޔޭގެ ޗެސްގެ މައި އިދާރާ (ފިޑޭ) އިން އިންތިޒާމު ކުރާ މުބާރާތެކެވެ. 

ރާއްޖެ އިން ވަނީ މި މުބާރާތަށް ތައްޔާރުވުމުގެ ގޮތުން ކްރޮއޭޝިއާގެ ކޯޗެއްގެ އިރުޝާދު ހޯދައިފަ އެވެ.