އޭޝިއަން ޔޫތު ޗެސް ޗެމްޕިއަންޝިޕްގައި ބައިވެރިވުމަށް ރާއްޖޭގެ ޒުވާނުންގެ ޓީމު އިންޑޮނޭޝިޔާއަށް
މި މުބާރާތުގައި 20 ޤައުމަކުން ވާދަކުރޭ
މުބާރާތުގައި ވާދަކުރާ ރާއްޖޭގެ ޒުވާނުންގެ ޓީމު
އޭޝިއަން ޔޫތު ޗެސް ޗެމްޕިއަންޝިޕްގައި ބައިވެރިވުމަށް ރާއްޖޭގެ ޒުވާނުންގެ ޓީމުއިންޑޮނޭޝިޔާއަށް ދަތުރުކޮށްފިއެވެ.
މި މުބާރާތުގައި ރާއްޖެއިން ބައިވެރިވާ ޓީމުގައި ޖުމްލަ ހަތް ކުޅުންތެރިން ހިމެނެއެވެ. އެއީ މޯލްޑިވްސް ޗެސް އެސޯސިއޭޝަނުން މިދިޔަ ސެޕްޓެމްބަރު މަހު ބޭއްވި ނެޝަނަލް ޔޫތު އެންޑް ޖޫނިއަރ ޗެސް މުބާރާތުން އެވަނަ ލިބުނު 3 ކުދިންނާއި އަމިއްލަ ގޮތުން ބައިވެރިވި ތިންކުދިންނެވެ.
ރާއްޖެ ތަމްސީލުކުރާނެ ބައިވެރިންނަކީ މަރިޔަމް އީނަލް މުއާވިޔަތު، މުހައްމަދު ޔޫއާން ޔަކްސަން، ޔޫސުފް ވަސީމް އަހުމަދު، މުހައްމަދު ލޫތު އިސްމާއިލް، އާސިލް އިބްރާހިމް ރަޝީދު، އަހުމަދު ޚަލަފް އަދި އައިޝަތު ސާރާ އިސްމާއިލްއެވެ.
މި މުބާރާތުގައި 20 ޤައުމަކުން ވާދަކުރެއެވެ. ރާއްޖޭގެ ފަސް ފިރިހެން ބައިވެރިންނާއި ދެ އަންހެން ބައިވެރިން ވާދަކުރާ މި މުބާރާތް ކުރިއަށްދަނީ ހަތް އުމުރުފުރާއަކަށް ބަހާލައިގެން އަންހެން އަދި ފިރިހެން ޑިވިޝަން ހިމެނޭ ގޮތަށެވެ.
