އެމްޓީޑީސީގެ ޗެއަރމަން ކަމަށް ޝަހީރު އައްޔަނުުކުރައްވައިފި
8 ސެޕްޓެމްބަރު 2026 | އަންގާރަ 06:39ޕީސީބީ އިން އަންގާރަ ދުވަހު ހާމަކުރި ގޮތުގައި އެމްޓީޑީސީގެ ޗެއާމަންގެ މަގާމަށް ޝާހިރު އައްޔަނުކުރެއްވީ ހޯމަ ދުވަހުގެ ވަގުތެއްގައި
އެމްޓީޑީސީގެ ޗެއާމަން ކަމަށް އައްޔަނުކުރެއްވި ޝަހީރު | ސޯޝަލް މީޑިއާ
މޯލްޑިވްސް ޓޫރިޒަމް ޑިވެލޮޕްމެންޓް ކޯޕަރޭޝަން (އެމްޓީޑީސީ)ގެ ޗެއަރމަން ކަމަށް އަހުމަދު ޝަހީރު އައްޔަނުކުރައްވައިފި އެވެ.
ޕީސީބީ އިން އަންގާރަ ދުވަހު ހާމަކުރި ގޮތުގައި އެމްޓީޑީސީގެ ޗެއަރމަންގެ މަގާމަށް ޝަހީރު އައްޔަނުކުރެއްވީ ހޯމަ ދުވަހުގެ ވަގުތެއްގަ އެވެ.
ޝަހީރު ވަނީ މެއި 2025 އިން ފެށިގެން އެޗްޑީސީގެ ޗެއަރމަންގެ މަގާމު އަދާކުރައްވާފަ އެވެ. ނަމަވެސް ނިމިދިޔަ ބުރާސްފަތި ދުވަހު ޝަހީރު ވަނީ އެ މަގާމުން ވަކި ކުރައްވާފަ އެވެ. ހަމައެއާއެކު ޝަހީރު ވަނީ މި ހިނގަމުންދާ ސަރުކާރު ފެށުމަށް ފަހު 2024 އޮގަސްޓު މަހުގެ ނިޔަލަށް ފެނަކަ ކޯޕަރޭޝަންގެ ޗެއަރމަން ކަން ވެސް އަދާކުރައްވާފަ އެވެ.
ފެނަކައިގެ އިތުރަށް ޝަހީރު ވަނީ އެސްޓީއޯގެ ޕްރޮކިއުމެންޓް ހެޑްގެ މަގާމު އަދި މެނޭޖިން ޑިރެކްޓަރުގެ މަގާމު ވެސް އަދާކުރައްވާފަ އެވެ.
2017 ވަނަ އަހަރުން ފެށިގެން އެމްޓީޑީސީގެ ޗެއަރމަން ކަމުގައި ހުންނެވި އަބްދުﷲ ފާއިޒު ވަނީ މިފްކޯގެ ޗެއަރމަން ކަމަށް ސެޕްޓެންމްބަރު މަހު އައްޔަނު ކުރައްވާފަ އެވެ.
އެމްޓީޑީސީގެ ޗެއަރމަން ކަމަށް ޝަހީރު އައްޔަނުކުރައްވާފައި މި ވަނީ، އަޔާޑާ ރިސޯޓު ހިންގާ ގދ. މަގުއްދުވާގެ ހެޑްލީސް ނުއަގުގައި ވިއްކާލުމުގެ ޑީލަށް މަގުފަހި ކުރުމަށްޓަކައި އެމްޓީޑީސީގެ އިތުރު ހިއްސާ ވިއްކަން އެ ކުންފުނިން ނިންމާފައިވާ ދަނޑިވަޅެއްގަ އެވެ.
