ޑޯނަޓެއްގެ މައްސަލައިގައި ކާފަދަރި ގަޔަށް ވަޅިޖަހައިފި

ޑޯނަޓެއްގެ މައްސަލައި އުފެދުނު ދެބަސްވުން ހޫނުވެ، އެމެރިކާގެ މިސޫރީގެ ރޭޓައުންގައި މީހަކު ކާފަ ދަރިފުޅަށް ވަޅިން ހަމަލާދީފިއެވެ.

ރިޕޯޓްތައް ބުނާގޮތުގައި 12 އަހަރުގެ ކާފަދަރިފުޅުގެ އަތަށް ވަޅިހެރި މައްސަލައިގައި 67 އަހަރުގެ ހޯޒޭ އޯތެގާ ކިޔާ މި މީހާގެ މައްޗަށް މިހާރު ވަނީ ދައުވާ އުފުލާފައެވެ. އޭނާގެ މައްޗަށް އުފުލާފައި ވަނީ ފުރަތަމަ ދަރަޖައިން ނުރައްކާތެރި ހަތިޔާރު ބޭނުންކޮށްގެން މީހަކަށް ހަމަލާދިން ކަމުގެ ކުށުގެ ދައުވާއެވެ.

އޯޓެގާ އާއި ހަވާލާދީ ފުލުހުން ބުނެފައިވަނީ، އޭނާ ކާފަދަރިފުޅަށް ވަޅިން ހަމަލާދިނީ، ކާފަ ދަރިފުޅު އޭނާއަށް ބޭއިޚްތިރާމްކޮށް، އޭނާއަށް ޑޯނަޓެއް ދޭން ދެކޮޅު ހެދުމުން ކަމަށެވެ. އޯތެގާ ހަމަލާދިނުމުން، އޭނާގެ ކާފަ ދަރިފުޅު ވަނީ އަވަށްޓެރިއެއްގެ ގެއަށް ގޮސް އެހީ ހޯދައި، މައްސަލަ ފުލުހުންނަށް ރިޕޯޓް ކޮށްފައެވެ.

ކުދަކުއްޖާ ބެލުމަށްފަހު ރޭޓައުންގެ ހޮސްޕިޓަލުން ބުނެފައިވަނީ، ކުއްޖާގެ އަތަސް ޖަހާފައިވާ ވަޅި އަތުގެ އެއްފަޅިން ވަދެ، އަނެއް ފަޅިން ނުކުމެފައިވާ ކަމަށާ، ވަޅިހަރާފައިވަ ޒަޚަމްގެ ދިގުމިނުގައި 4 އިންޗި ހުރި ކަމަށެވެ.

މި މައްސަލަ އާއި ގުޅިގެން ފުލުހުން ބެލި ބެލުމުން، ހަމަލާދޭން ބޭނުންކުރި ވަޅި ވަނީ ހޯދައި، އޯޓެގަ އާއި ދެކޮޅަށް ހެކީގެ ގޮތުގައި ކޯޓަށް ހުށަހަޅާފައެވެ.