ސިޔާސީ މަޤާމުތަކުގައި ތިބި މުވައްޒަފުންގެ އަދަދު މިނިސްޓަރު ޒަރީރު ވިދާޅެއް ނުވި، ވިދާޅުވީ ސިޔާސަތުގެ ބޭރުން އެއްވެސް މުވައްޒަފަކު ނުނަގާ ކަމަށް
18 އޯގަސްޓު 2026 | އަންގާރަ 04:56މިނިސްޓަރު ޒަރީރު ވިދާޅުވީ، ސިޔާސީ މަގާމު ތަކަށް މީހުން އައްޔަނު ކުރުމަކީ ޤާނޫނު އަސާސީގެ 115 ވަނަ މާއްދާގެ ދަށުން ރައީސް އަށް ލިބިވެގެންވާ ބާރެއް ކަމަށް. އެކަމުގެ ތެރެއިން ގެންނަން ޖެހޭ ބަދަލުތައް ގެންނާނެ ކަމަށް ރައީސް މުއިއްޒު އިއުލާން ކުރައްވާފައިވާ ކަމަށާއި، އެކަމުގެ ދަށުން ބަދަލު ގެނައުމުގެ މަސައްކަތް ކުރިއަށްދާ ކަމަށް ވެސް މިނިސްޓަރު ވަނީ ވިދާޅުވެފައި
ފިނޭންސް މިނިސްޓަރު ހަސަން ޒަރީރު | ރައީސް އޮފީސް
ރައީސް ޑރ. މުޙައްމަދު މުއިއްޒުގެ ސަރުކާާރުގައި ސިޔާސީ މުވައްޒަފުންގެ ގޮތުގައި އައްޔަނު ކޮށްފައިވާ މުވައްޒަފުންގެ އަދަދު ހާމަކުރެއްވުމަށް ފިނޭންސް މިނިސްޓަރު ހަސަން ޒަރީރު ދެކޮޅު ހައްދަވައިފި އެވެ.
އަންގާރަ ދުވަހު އޮތް ރައްޔިތުންގެ މަޖިލީހުގެ ޖަލްސާގައި ތޮއްޑޫ ދާއިރާގެ މެންބަރު ހުސެއިން ސަމީރު ވަނީ ސިޔާސީ މަގާމުތަކާ ގުޅޭ ގޮތުން ސުވާލު ކުރައްވައިފަ އެވެ. އެގޮތުން 2018 އިން 2023 އާ ދެމެދު ތިބި ސިޔާސީ މުވައްޒަފުންގެ އަދަދާއި، 2023 ގެ ފަހުން ތިބި ސިޔާސީ މުވައްޒަފުންގެ އަދަދު ހާމަކޮށްދެއްވުމަށް މެމްބަރު ވަނީ އެދިވަޑައިގެންފައި އެވެ.
އެ ސުވާާލަށް ޖަވާބު ދެއްވަމުން މިނިސްޓަރު ޒަރީރު ވިދާޅުވީ، ސިޔާސީ މަގާމުތަކަށް މީހުން އައްޔަނު ކުރުމަކީ ޤާނޫނު އަސާސީގެ 115 ވަނަ މާއްދާގެ ދަށުން ރައީސް އަށް ލިބިވެގެންވާ ބާރެއް ކަމަށެވެ. އެކަމުގެ ތެރެއިން ގެންނަން ޖެހޭ ބަދަލުތައް ގެންނާނެ ކަމަށް ރައީސް މުއިއްޒު އިއުލާން ކުރައްވާފައިވާ ކަމަށާއި، އެކަމުގެ ދަށުން ބަދަލު ގެނައުމުގެ މަސައްކަތް ކުރިއަށްދާ ކަމަށް ވެސް މިނިސްޓަރު ވަނީ ވިދާޅުވެފައި އެވެ.
ދައުލަތުގެ ސިޔާސީ މަޤާމުތަކަކީ ޤާނޫނު އަސާސީގެ ސަތޭކަ ފަނަރަ ވަނަ މާއްދާގެ ދަށުން ރައީސުލްޖުމްހޫރިއްޔާ އަށް ލިބިގެންވާ ބާރެއް. ތިބޭފުޅުން ވެސް އަޑު އައްސަވާފައި ވާނީ، ގެންނަން ޖެހޭ ބަދަލުތައް ގެންނަވާނެ ކަމަަށް ރައީސުލްޖުމްހޫރިއްޔާ ވަނީ އެނައުންސް ކުރައްވާފައި. އެ ބަދަލުތައް ގެނައުމުގެ މަސައްކަތް ކުރިއަށްދާ ކަމަށް މައުލޫމާތު ލިބިފައި އޮންނާނީ، އެހެންވީމާ އެ ކަންތައްތައް ކުރިއަށް ދަނީ މިހާާރު ވެސްހަސަން ޒަރީރު
ނަމަވެސް، 2023 ވަނަ އަހަރު ރައީސް މުއިއްޒު ވެރިކަމާ ހަވާލުވެ ވަޑައިގެންނެވި ފަހުން، ސިޔާސީ މުވައްޒަފުންގެ ގޮތުގައި އައްޔަނު ކޮށްފައިވާ މުވައްޒަފުންގެ އަދަދެެއް މިނިސްޓަރު ވިދާޅުވެފައި ނުވެ އެވެ. އޭގެ ފަހުން ގަލޮޅު ދެކުނު ދާއިރާގެ މެންބަރު މީކާއީލް އަޙުމަދު ނަސީމް ކުރެއްވި ސުވާާލަށް ޖަވާބު ދެއްވަމުން މިނިސްޓަރު ޒަރީރު ވިދާޅުވީ، ދައުލަތުން ނަގާ ހުރިހާ މުވައްޒަފުން ވެސް ނަގަނީ ކަނޑައެޅިފައިވާ އުސޫލުގެ ތެެރެއިން ކަމަށް ޤަބޫލު ކުރައްވާ ކަމަށާއި، އެ ސިޔާާސަތުތަކުގެ ބޭރުން އެއްވެސް މުވައްޒަފަކު ނުނަގާ ކަމަށެވެ.
ރައީސް މުއިއްޒުގެ ސަރުކާރުން އައްޔަނު ކޮށްފައިވާ ސިޔާސީ މުވައްޒަފުންގެ އަަދަދު ހާމަކުރުމަށް ސަރުކާރުން ވަނީ ދެކޮޅު ހަދައިފަ އެވެ. ރައީސް މުއިއްޒުގެ އިތުރުން، ފިނޭންސް މިނިސްޓަރާ ވެސް އެތައް ފަހަރެއްގެ މަތިން އެ ސުވާލު ކުރިމަތި ކޮށްފައިވާއިރު، އެ އަދަދުތައް ހާާމަ ކުރުމަށް ސަރުކާރުން ވަނީ ދެކޮޅު ހަދައިފަ އެވެ.
މި ސަރުކާރު އައި ފަހުން ސިޔާސީ މުވައްޒަފުން އިންތިހާާ އަށް ގިނައިން އައްޔަން ކޮށްފައިވެ އެވެ. އެގޮތުން ސަރުކާރުގެ މިނިސްޓްރީތަކުގައި ސިޔާސީ މުވައްޒަފުންގެ އަދަދު ގިނަވެ، ބައެއް އޮފީސްތަކުގައި މުވައްޒަފުން މަސައްކަތް ކުރާނެ ޖާގަ ނެތުމުގެ ޝަކުވާ ވެސް ވަނީ ބޮޑުވެފައި އެވެ.
