އީރާން އަށް ކުރިމަތިކުރި ބްލޮކޭޑުގެ ދަށުން، 53 އުޅަނދެއްގެ މިސްރާބު ބަދަލުކޮށްފައިވާ ކަމަށް އެމެރިކާާ އިން ބުނެފި

އީރާންއާ ދެކޮޅަށް އެމެރިކާ އިން ކުރިމަތިކޮށްފައިވާ ކަނޑުގެ ބްލޮކޭޑުގެ ދަށުން، 53 ވިޔަފާރި ބޯޓެއްގެ މަގު ބަދަލުކޮށް، ދެ ބޯޓެއް ބަންދު ކޮށްފައިވާ ކަމަށް އެމެރިކާގެ ސެންޓްރަލް ކޮމާންޑް (ސެންޓްކޮމް) އިން ބުނެފި އެވެ. 

ސެންޓްކޮމް އިން ބުނީ، ބްލޮކޭޑުގެ ދަށުން ހިންގަމުންދާ އޮޕަރޭޝަންތަކުގައި، ބައިނަލްއަޤުވާމީ ކަނޑުގެ ޤާނޫނާ އެއްގޮތަށް އަމަލު ކުރަމުންދާ ކަމަށެވެ. މީގެ ތެރެއިން އިންސާނީ އެހީތެރިކަން ގެންދަމުން ދިޔަ 30 ބޯޓަކަށް ދަތުރު ކުރުމުގެ ހުއްދަ ދީފައިވާ ކަމަށް ވެސް، ސެންޓްކޮމް އިން ބުނެފައިވެ އެވެ. 

އިންސާނީ އެހީތެރިކަމުގެ ބާވަތްތައް ގެންދަމުން ދިޔަ ބޯޓުތަކަށް ދަތުރު ކުރުމުގެ ހުއްދަ ދީފައި ވަނީ، އިންސާނީ ހާލަތު ރަނގަޅު ކުރުމަށް ކުރަމުންދާ މަސައްކަތްތަކުގެ ބައެއްގެ ގޮތުގައި ކަމަށް ސެންޓްކޮމް އިން ވަނީ ބުނެފައި އެވެ. 

ބަންދުކޮށްފައިވާ ދެ ބޯޓުގެ މައްޗަށް އިތުރު ތަހުގީގުތައް ކުރިއަށްދާ ކަމަށާއި، އެ ބޯޓުތަކުގައި ބައިނަލްއަޤުވާމީ ޤާނޫނާ ޚިލާފު ބާވަތްތައް ހުރި ކަމަށް ބެލެވޭ ކަމަށް ވެސް ސެންޓްކޮމް އިން ބުނެފައިވެ އެވެ. ނަމަވެސް، އެ ބޯޓުތަކުގެ އިތުރު އެއްވެސް ތަފްސީލެއް ސެންޓްކޮމް އިން ދީފައި ނުވެ އެވެ. 

މަގު ބަދަލުކުރި 53 ވިޔަފާރީގެ ބޯޓުތަކަކީ، އީރާންގެ ބަނދަރުތަކަށް ދަތުރު ކުރަމުން ދިޔަ ބޯޓުތަކެއް ކަމަށާއި، އެ ބޯޓުތައް އެހެން މަގުތަކުން ދިޔުމަށް އަންގާފައިވާ ކަމަށް ވެސް، ސެންޓްކޮމް އިން ބުނެފައިވެ އެވެ. އީރާން އަށް ކުރިމަތި ކޮށްފައިވާ ބްލޮކޭޑުގެ ސަބަބުން، އީރާންގެ އިޤްތިޞާދަށް ނޭދެވޭ އަސަރުތަކެއް ކުރާނެ ކަމަށް ވެސް ތަޖުރިބާކާރުން ބުނެފައިވެ އެވެ. 

އީރާންއާ ދެކޮޅަށް އެމެރިކާ އިން ކަނޑުގެ ބްލޮކޭޑް އަލުން ފަށާފައި ވަނީ، އެ ޤައުމާއި އެމެރިކާއާ ދެމެދު އޮތް ގުޅުން އިތުރަށް ގޯސްވެފައިވާ ވަގުތެއްގައި އެވެ. އެމެރިކާގެ ވެރިން ބުނަމުން އަންނަނީ، ބައިނަލްއަޤުވާމީ ޤާނޫނުތަކަށް އީރާން އިން ބޯލަނބަން ޖެހޭނެ ކަމަށާއި އީރާން އަށް ދަތިކުރުން ކުރިއަށް ގެންދާނެ ކަމަށެވެ. 

އީރާންއާ ދެކޮޅަށް އެމެރިކާ އިން ކުރިމަތިކުރަމުން އަންނަ ކަނޑުގެ ބްލޮކޭޑް އާއި އިޤްތިޞާދީ ދަތިކުރުމުގެ ފިޔަވަޅުތަކުގެ ސަބަބުން އީރާންގެ ރައްޔިތުންނަށް އެތައް ގޮންޖެހުންތަކެއް ދިމާވާނެ ކަމަށް ގިނަ ބަޔަކު އަންނަނީ ބުނަމުންނެވެ. އަދި ބައިނަލްއަޤުވާމީ މުޖުތަމައުން ވެސް އަންނަނީ އެކަމުގެ ކަންބޮޑުވުން ފާޅުކުރަމުންނެވެ.