ހިންމަފުށީގައި މާރާމާރީ ހިންގުމުގެ ތުހުމަތުގައި ހައްޔަރުކުރި މިސްރަށް ނިސްބަތްވާ ދެ މީހުން ރާއްޖެއަށް ނާދެވޭ ގޮތަށް ގައުމަށް ފޮނުވާލަނީ
ހިންމަފުށީގައި ހިނގި މާރާމާރީއަކާ ގުޅިގެން ހައްޔަރުކުރި މިސްރުގެ ދެ މީހުންގެ މައްސަލަ ތަހުގީގުކޮށް، އެ މީހުން އަނބުރާ ރާއްޖެ ނާދެވޭ ގޮތަށް ފޮނުވާލުމަށް ފުލުހުން ވަނީ ނިންމާފައި. މި މައްސަލައިގައި ހިމެނޭ މީހުން ފުރުވާލުމަށް އިމިގްރޭޝަނަށް މިހާރު ހުށަހަޅާފައިވާއިރު، އެ މީހުންގެ ބަންދަށް ކޯޓުން ކުރިން ދެ ދުވަސް ދީފައިވޭ
ކ.ހިންމަފުށި ޕޮލިސް ސްޓޭޝަން | ސޯޝަލް މީޑިއާ
ކ. ހިންމަފުށީގައި މާރާމާރީ ހިންގުމުގެ ތުހުމަތުގައި ހައްޔަރުކުރި މިސްރަށް ނިސްބަތްވާ ދެ މީހުން ރާއްޖެއަށް ނާދެވޭ ގޮތަށް ގައުމަށް ފޮނުވާލުމަށް އެދިފައިވާ ކަމަށް ފުލުހުން ބުނެފި އެވެ.
ބުދަ ދުވަހު ފުލުހުން ބުނީ، ހިންމަފުށީގައި ބަޔަކު މީހުން މާރާމާރީ ހިންގާ ކަމުގެ މައުލޫމާތު 2026 ޖުލައި 19 ވަނަ ދުވަހުގެ ރޭ 19:24 އެހައިކަންހާއިރު ރިޕޯޓު ކޮށްފައިވާ ކަމަށެވެ.
މި މައްސަލައިގެ ތުހުމަތުގައި މިސްރަށް ނިސްބަތްވާ ބިދޭސީ 2 ފިރިހެނަކު ފުލުހުންގެ ބެލުމުގެ ދަށަށް ގެނެސް ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، 2 ދުވަހަށް ބަންދު ކުރުމަށް އަމުރުކޮށްފައިވެ އެވެ.
މީގެ އިތުރުން ފުލުހުން ބުނީ، ތަހުގީގުގެ ހޯދަންތަކަށް ރިއާޔަތްކޮށް، ތުހުމަތު ކުރެވޭ މީހުން ރާއްޖެއިން ފުރުވާލުމަށްފަހު އަނބުރާ ރާއްޖެ ނާދެވޭނެ ގޮތް ހެދުމަށް މޯލްޑިވްސް އިމިގްރޭޝަން އަށް ހުށަހަޅާފައިވާ ކަމަށެވެ.
މި މައްސަލައިގެ ސުވާލުކުރަންޖެހޭ މީހުންނާއި ސުވާލުކޮށް ބަލަންޖެހޭ ކަންކަން ބަލާފައިވާ ކަމަށް ފުލުހުން ބުނެ އެވެ.
