ކ. މާލެ
|
1 އޮކްޓޯބަރ 2017 | އާދީއްތަ 13:44
ރަންބީރު ކަޕޫރު
ރަންބީރު ކަޕޫރު
ގޫގުލް
ރަންބީރު ކަޕޫރު
ކަރަންގެ އާ ފިލްމުގައި ރަންބީރު ކަޕޫރު
 
ރަންބީރުގެ މި ފިލްމު އުފައްދާނީ ދަރްމާ ޕްރޮޑަކްޝަނުން

ކަރަން ޖޯހަރުގެ އާ ފިލްމަށް ބޮލީވުޑްގެ ތަރި ރަންބީރު ކަޕޫރު ހަމަޖައްސައިފިއެވެ.

ކަރަން ޖޯހަރު ކޮށްފައިވާ ޓްވީޓެއްގައި ބުނެފައި ވަނީ ރަންބީރު ކަޕޫރު އޭނާގެ ދެން އަންނަ ފިލްމަކުން ފެންނާނެ ކަމަށާއި އެފިލްމު ވަރަށް އަވަހަށް ފެނިގެންދާނެ ކަމަށެވެ.

ރަންބީރުގެ އުފަންދުވަސް ފާހަގަ ކުރުމަށް އެގޭގައި ބޭއްވި ރަސްމިއްޔާތުގައި ވެސް ކަރަން ވަނީ އޭނާގެ ދެން ހަދާ ފިލްމެއްގައި ރަންބީރު ކަޕޫރު ފެންނާނެ ކަމަށް ބުނެފައެވެ.

ރަންބީރު ވަނީ ކަރަންގެ ތިން ފިލްމެއް މިހާތަނަށް ކުޅެފައެވެ. އެއީ " އޭ ދިލް ހޭ މުޝްކިލް"، "ވޭކް އަޕް ސިދް" އަދި "ޔޭ ޖަވާނީހޭ ދިވާނީ" އެވެ.

އަދި އެތިން ފިލްމަކީ ވެސް ބެލުންތެރިންގެ ތަރުހީބު ލިބިގެންދިޔަ ފިލްމުތަކެވެ.

ކަރަންގެ ފިލްމަކުން ރަންބީރު އެންމެ ފަހުން ފެނުނީ "އޭ ދިލް ހޭ މުޝްކިލް" އިންނެވެ.

ރަންބީރުގެ މި ފިލްމު އުފައްދާނީ ދަރްމާ ޕްރޮޑަކްޝަނުންނެވެ.

ރަންބީރު މިހާރު ކުރަމުންދާ މަސައްކަތަކީ އަންނަ އަހަރުގެ މާޗް 30 ގައި އަޅުވަން މަސައްކަތް ކުރާ ސަންޖޭ ދަތުގެ ހަޔާތުގެ މައްޗަށް ކުޅޭ ފިލްމުގެ ޝޫޓިންގެ މަސައްކަތެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް