އީރާނުން ހުރްމުޒް ކަނޑުއޮޅިން ތައިލެންޑުގެ ދިދަ ޖަހާފައިވާ އުޅަނދަކަށް ހަމަލާދީފި
އީރާނުގެ އައި.އާރް.ޖީ.ސީ އިން ދިން އިންޒާރުތަކަށް ބޯނުލަނބައި، ހުއްދަ ހޯދުމެއް ނެތި ހޮރްމޫޒް ކަނޑުއޮޅިން ދަތުރުކުރަން އުޅުމާ ގުޅިގެން ތައިލެންޑްގެ އުޅަނދަކަށް ހަމަލާދީފި. މި ހަމަލާ ދީފައިވަނީ އެ އުޅަނދުން އީރާނުގެ ގަވާއިދުތަކާ ޚިލާފުވުމުން ކަމަށް އެ ގައުމުގެ މީޑިއާތަކުން ވަނީ ރިޕޯޓްކޮށްފައި.
އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައި.އާރް.ޖީ.ސީ) އިން، 2026 ވަނަ އަހަރުގެ ޖުލައި މަހުގެ 15 ވަނަ ދުވަހު އެ ގައުމުން މިސައިލެއް ފޮނުވާލާ މަންޒަރު ފެންނަ ކަމަށް ބުނާ ވީޑިއޯއެއްގެ ސްކްރީން އިމޭޖެއް | އޭއެފްޕީ
އީރާނުގެ ރިވޮލިއުޝަނަރީ ގާޑް ކޯޕްސް (އައި.އާރް.ޖީ.ސީ) އިން ހުރްމުޒް ކަނޑުއޮޅިން ދަތުރުކުރި ތައިލެންޑްގެ ދިދަ ޖަހާފައިވާ އުޅަނދަކަށް ހުކުރު ދުވަހު ހަމަލާދީފައިވާ ކަމަށް އެ ގައުމުގެ ތަސްނީމް ނިއުސް އެޖެންސީން ރިޕޯޓްކޮށްފި އެވެ.
ތަސްނީމް ނިއުސް އެޖެންސީން ބުނި ގޮތުގައި، މި އުޅަނދަށް ހަމަލާދީފައިވަނީ އައި.އާރް.ޖީ.ސީ އިން ދިން އިންޒާރުތަކަށް ބޯނުލަނބައި، އެ ކޯޕްސްގެ ހުއްދަ ހޯދުމެއް ނެތި ހުރްމުޒް ކަނޑުއޮޅިން ދަތުރުކުރަން އުޅުމާ ގުޅިގެންނެވެ.
