ތާާރީޚުން ބާރުވެރީ އާޖެންޓީނާ، އިންގްލެންޑު އޮތީ ތައްޔާރަށް: ޓުޗެލް
ޓުޗެލް ބުނީ އެންމެ ފަހުން 2022 ވަނަ އަހަރު އޮތް ވޯލްޑް ކަޕް އާޖެންޓީނާ އިން ކާމިޔާބު ކޮށްފައިވާއިރު، އެ ޓީމުން މަސައްކަތް ކުރާނީ ތަށި ދިފާއު ކުރުމަށް ކަމަށް. ޓުޗެލް ދެކޭ ގޮތުގައި އާޖެންޓީނާ މެޗުގައި އެންމެ ބޮޑު ސަމާލު ކަމެއް ދޭން ޖެހޭނީ އެ ޓީމުގެ ކެޕްޓަން ލިއޮނަލް މެސީ އަށް. މެސީ އާއެކު، އާޖެންޓީނާ އިން ދައްކަމުން އަންނަ ހިތްވަރަކީ ނަމޫނާއެއް ކަމަށް ޓުޗެލް ދެކޭ.
ފީފާ ވޯލްޑް ކަޕްގެ ސެމީ ފައިނަލްގައި އާޖެންޓީނާއާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި އިންގްލެންޑުގެ ކޯޗު ތޯމަސް ޓުޗެލް ވާހަކަ ދައްކަނީ. | ގެޓީ އިމޭޖަސް
ފީފާ ވޯލްޑް ކަޕްގެ ސެމީ ފައިނަލްގައި އެންމެ ފަހުގެ ޗެމްޕިއަން އާޖެންޓީނާއާ ދެކޮޅަށް ނިކުންނައިރު، އެ ޓީމަކީ ތާރީޚުން ބާރުވެރި ޓީމު ކަމަށާއި، އެ ޓީމާ ދެކޮޅަށް އިންގްލެންޑު ނިކުންނަނީ ފުރިހަމަ އަށް ތައްޔާރު ވެގެން ކަމަށް އެ ޓީމުގެ ކޯޗު ތޯމަސް ޓުޗެލް ބުނެފި އެވެ.
ޓުޗެލް މިހެން ބުނެފައި ވަނީ ބުދަ ދުވަހުގެ ރޭ އާޖެންޓީނާއާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ވާހަކަ ދައްކަމުންނެވެ. މިއީ ވޯލްޑް ކަޕްގެ ތާރީޚުގައި މި ދެ ޤައުމު ބައްދަލު ކުރާނެ ހަ ވަނަ ފަހަރެވެ. ފާއިތުވި ތިން ފަހަރު ވެސް މި ދެ ޓީމު ބައްދަލު ކޮށްފައި ވަނީ ފޯކްލޭންޑް ހަނގުރާމަ އަށް ފަހު އެވެ.
ޓުޗެލް ބުނީ އެންމެ ފަހުން 2022 ވަނަ އަހަރު އޮތް ވޯލްޑް ކަޕް އާޖެންޓީނާ އިން ކާމިޔާބު ކޮށްފައިވާއިރު، އެ ޓީމުން މަސައްކަތް ކުރާނީ ތަށި ދިފާއު ކުރުމަށް ކަމަށެވެ. ޓުޗެލް ދެކޭ ގޮތުގައި އާޖެންޓީނާ މެޗުގައި އެންމެ ބޮޑު ސަމާލު ކަމެއް ދޭން ޖެހޭނީ އެ ޓީމުގެ ކެޕްޓަން ލިއޮނަލް މެސީ އަށެވެ. މެސީ އާއެކު، އާޖެންޓީނާ އިން ދައްކަމުން އަންނަ ހިތްވަރަކީ ނަމޫނާއެއް ކަމަށް ޓުޗެލް ދެކެ އެވެ.
މެޗުގެ ވާާދަވެރިކަމާ ގުޅޭ ގޮތުން ސުވާލު ކުރުމުން ޓުޗެލް ބުނީ، އާޖެންޓީނާގެ ބައެއް ކުޅުންތެރިންނަށް އޭނާ އިރުޝާދު ދީފައިވާތީ، އެ ޓީމުގެ ހިތްވަރު އޭނާ އަށް އިނގޭ ކަމަށެވެ. އާޖެންޓީނާ އަކީ ވަރަށް އިހުސާސީ ވައްޓަފާޅިއެއްގައި ކުޅޭ ޓީމެއް ކަމަށާއި، ތާރީޚުން ވެސް ބާރު ލިބެނީ އާޖެންޓީނާ އަށް ކަމަށް ޓުޗެލް ބުންޏެވެ. ނަމަވެސް، އެ ވާދަވެރިކަމާ ކުރިމަތިލާން ބޭނުންވާ ހިތްވަރު އަދި ނަފްސާނީ ބާރުވެރިކަން އިންގްލެންޑުގެ ޓީމުގައި ހުރި ކަމަށް ޓުޗެލް ވަނީ ބުނެފައި އެވެ.
މެޗުގެ ކުރިން އިންގްލެންޑުގެ ޑިފެންޑަރު މާކް ގުއެހީ ބުނީ، ސެމީ ފައިނަލް އަށް ނިކުންނައިރު ޕްރެޝަރު އޮތީ އާޖެންޓީނާ އަށް ކަމަށެވެ. އެއީ އާޖެންޓީނާ އަކީ މުބާރާތުގެ ތަށި ދިފާއު ކުރަން ނިކުންނަ ޓީމު ކަަމަށް ވާތީ އެވެ. ނަމަވެސް، އިންގްލެންޑަށް އެއްވެސް ޕްރެޝަރެއް ނެތް ކަމަށް އޭނާ ވަނީ ބުނެފައި އެވެ.
އިންގްލެންޑުން ވަނީ 1966 ވަނަ އަހަރު ވޯލްޑް ކަޕްގެ ފައިނަލްގައި ކުޅެ، އެފަހަރުގެ މުބާރާތް ކާމިޔާބު ކޮށްފައި އެވެ. އޭގެ ފަހުން އިންގްލެންޑަށް މުބާރާތުގެ ފައިނަލްއާ ހަަމައަށް ދެވިފައި ނުވެ އެވެ. ނަމަވެސް އިންގްލެންޑުން ވަނީ 1990 ވަނަ އަހަރާއި، 2018 ވަނަ އަހަރުގެ މުބާރާތުގެ ސެމީ ފައިނަލްގައި ކުޅެފައި އެވެ.
