އިންގްލެންޑްއާ ދެކޮޅަށް އާޖެންޓީނާ އިން ބޭނުން ކުރާނީ އެ ޓީމުގެ ނޫ ކުލައިގެ ޖާޒީ!

ފީފާ ވޯލްޑް ކަޕްގެ ސެމީ ފައިނަލްގައި އެންމެ ފަހުގެ ޗެމްޕިއަން އާޖެންޓީނާ އިން އިންގްލެންޑްއާ ދެކޮޅަށް ނިކުންނާނީ، އެ ޓީމުގެ "ނަަސީބު" ނޫ ކުލައިގެ ޖާޒީގައި ކަމަށް ރިޕޯޓު ތަކުގައި ބުނެފި އެވެ. 

ބުދަ ދުވަހުގެ ރޭ ދަންވަރު ކުޅޭ އެ މެޗުގައި އާޖެންޓީނާ އިން ނޫ ކުލައިގެ ޖާޒީ ބޭނުން ކުރާއިރު، މިފަހަރުގެ މުބާރާތުގައި އެ ޖާޒީ ބޭނުން ކޮށްފައި ވަނީ މިހާތަނަށް އެންމެ މެޗެއްގައި އެވެ. އެއީ މުބާރާތުގެ ގުރޫޕު ސްޓޭޖުގައި ޖޯޑަންއާ ދެކޮޅަށް ކުޅުނު މެޗުގައި އެވެ. އެ މެޗު އާޖެންޓީނާ އިން ކާމިޔާބު ކޮށްފައި ވަނީ 3-1 އިންނެވެ. 

މިއީ މުބާރާތުގައި ޖާޒީ ބޭނުން ކުރުމުގެ ޤަވާއިދާ ގުޅިގެން ނިންމި ނިންމުމެއް ކަމަށް ބެލެވުނު ނަމަވެސް، އާޖެންޓީނާގެ މީީޑިއާ ތަކުގައި ބުނަނީ އެއީ ނުބައި ފިކުރުތަކާ ގުޅިގެން ނިންމާފައިވާ ނިންމުމެއް ކަމަށެވެ. މިއީ ފީފާގެ ޖާޒީ ޤަވާއިދާ ގުޅިގެން ނިންމާފައިވާ ނިންމުމެއް ނޫން ކަމަށް ވެސް ބުނެފައިވެ އެވެ. މި ކިޓު ގުޅިފައި އޮތީ 1986 ވަނަ އަހަރާއި، 1998 ވަނަ އަހަރުގެ ވޯލްޑް ކަޕްގައި އިންގްލެންޑްއާ ދެކޮޅަށް އާޖެންޓީނާ އިން ހޯދި މަޝްހޫރު ކާމިޔާބީތަކާ އެވެ. 

1986 ވަނަ އަހަރުގެ ވޯލްޑް ކަޕްގެ ކުއާޓާ ފައިނަލްގައި އާޖެންޓީނާ އިން ވަނީ 2-1 އިން އިންގްލެންޑު ބަލިކޮށްފައި އެވެ. އެ މެޗުގައި އާޖެންޓީނާގެ ލެޖެންޑު ޑިއޭގޯ މަރަޑޯނާ ވަނީ މަޝްހޫރު "ހޭންޑް އޮފް ގޯޑް" ލަނޑު ޖަހައިފަ އެވެ. އޭގެ ފަހުން 1998 ވަނަ އަހަރު ފްރާންސްގައި އޮތް ވޯލްޑް ކަޕްގެ ގަދަ 16 ގައި އާޖެންޓީނާ އިން ވަނީ ޕެނަލްޓީ ޖަހައިގެން އިންގްލެންޑު ބަލިކޮށްފައި އެވެ.  

ނަމަވެސް، ނޫ ކުލައިގެ މި ޖާޒީ އަކީ އާޖެންޓީނާ އަށް އަބަދު ނަސީބެއް ނޫނެވެ. 1990 ވަނަ އަހަރުގެ ވޯލްޑް ކަޕްގެ ފައިނަލްގައި ވެސްޓް ޖާމަނީ އަތުން ބަލިވި މެޗާއި، 2014 ވަނަ އަހަރުގެ ވޯލްޑް ކަޕްގައި ޖަރުމަނު އަތުން ބަލިވި މެޗުގައި ވެސް އާޖެންޓީނާ އިން ބޭނުން ކޮށްފައި ވަނީ މި ޖާޒީ އެވެ.

ޖަޕާންގައި 2002 ވަނަ އަހަރު ބޭއްވި ވޯލްޑް ކަޕްގެ ގުރޫޕު ސްޓޭޖު މެޗުގައި ހޯމް އަދި އަވޭ ކިޓުތައް ބަދަލު ކޮށްފައިވާއިރު، އެފަހަރުގެ މެޗުގައި އިންގްލެންޑު ނިކުމެފައި ވަނީ އެ ޓީމުގެ ރަތް ޖާޒީގައި އެވެ. އާާޖެންޓީނާ އިން އެ ޓީމުގެ އާންމު ޖާޒީ ބޭނުން ކޮށްފައިވާއިރު، އެ މެޗު އިންގްލެންޑުން ކާމިޔާބު ކޮށްފައި ވަނީ 1-0 އިންނެވެ. 

އާޖެންޓީނާ އާއި އިންގްލެންޑް އަކީ ވޯލްޑް ކަޕްގެ ތާާރީޚެއް އޮތް ދެ ޤައުމެވެ. މިފަހަރު އާޖެންޓީނާ އާާއި އިންގްލެންޑު ބައްދަލު ކުރާއިރު، މި މެޗު ޚާއްސަ ވަނީ އާޖެންޓީނާގެ ކެޕްޓަން ލިއޮނަލް މެސީ އަށެވެ. މިއީ މެސީގެ ކެރިއަރުގައި އިންގްލެންޑްއާ ދެކޮޅަށް ކުޅޭ ފުރަތަމަ މެޗެވެ.