ސިއްހީ ޓެސްޓު ތަކުގެ ނަތީޖާ ވަރަށް ފުރިހަމަ ކަމަށް ޓްރަމްޕް ވިދާޅުވެއްޖެ
މިދިޔަ ޖޫން މަހު ޓްރަމްޕް އަށް 80 އަހަރުވެފައިވާއިރު، ޓްރަމްޕް ވިދާޅުވެފައި ވަނީ ކޮންމެ ހަ މަހަކުން އެއް ފަހަރު އެމަނިކުފާނު މެޑިކަލް ޓެސްޓު ހައްދަވާ ކަމަށް. އަދި މިފަހަރު އިތުރަށް ކޮގްނިޓިވް ޓެސްޓެއް ހެދުމަށް އެދިވަޑައިގެންނެވި ކަމަށް ވެސް ޓްރަމްޕް ވިދާޅުވި. އެއާ އެކު ޓްރަމްޕް ވިދާޅުވީ ތިން ފަހަރު ކޮގްނިޓިވް ޓެސްޓު ހެއްދެވީ އެމަނިކުފާނު އެކަނި ކަމަށާއި، އެ ތިން ޓެސްޓުން ވެސް ވަރަށް ފުރިހަމަ ނަތީޖާއެއް ލިބިފައިވާ ކަމަށް.
އެމެރިކާގެ ރައީސް ޑޮނަލްޑް ޓްރަމްޕް. | ގެޓީ އިމޭޖަސް
އެމެރިކާގެ ވޯލްޓާ ރީޑް ނެޝަނަލް މިލިޓަރީ މެޑިކަލް ސެންޓަރުގައި ޞިއްޙީ ޓެސްޓު ތަކެއް ހައްދަވާފައިވާ ކަމަށާއި، އެ ޓެސްޓުގެ ނަތީޖާ ވަރަށް ފުރިހަމަ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޓްރަމްޕް މިހެން ވިދާޅުވެފައި ވަނީ އެމަނިކުފާނުގެ ޓުރުތު ސޯޝަލް މީޑިއާގައި ކުރެއްވި ޕޯސްޓެއްގައި އެވެ. ނަމަވެސް، މި ޓެސްޓު ހައްދަވާފައި ވަނީ ކޮން ދުވަހެއްގައި ކަމެއް ޓްރަމްޕް ވިދާޅުވެފައި ނުވެ އެވެ.
މީގެ އިތުރުން މިއީ މުޅިން އަލަށް ހެއްދެވި ޓެސްޓެއްތޯ، ނުވަތަ މިއަހަރުގެ މެއި މަހުގެ ތެރޭގައި ހެއްދެވި ޓެސްޓު ކަމެއް ވެސް ޔަގީން ނުވެ އެވެ. މެއި މަހު ޓްރަމްޕް މެޑިކަލް ޓެސްޓެއް ހެއްދެވިއިރު، އެ ފަހަރު ވެސް ޓްރަމްޕް ވިދާޅުވެފައި ވަނީ އެމަނިކުފާނުގެ ހުރިހާ ކަމެއް ރަނގަޅު ކަމަށާއި، ޓެސްޓުގެ ކަންކަން ކުރިއަށް ދިޔައީ ވަރަށް ރަނގަޅަށް ކަމަށެވެ.
މިދިޔަ ޖޫން މަހު ޓްރަމްޕް އަށް 80 އަހަރުވެފައިވާއިރު، ޓްރަމްޕް ވިދާޅުވެފައި ވަނީ ކޮންމެ ހަ މަހަކުން އެއް ފަހަރު އެމަނިކުފާނު މެޑިކަލް ޓެސްޓު ހައްދަވާ ކަމަށެވެ. އަދި މިފަހަރު އިތުރަށް ކޮގްނިޓިވް ޓެސްޓެއް ހެދުމަށް އެދިވަޑައިގެންނެވި ކަމަށް ވެސް ޓްރަމްޕް ވިދާޅުވި އެވެ. އެއާ އެކު ޓްރަމްޕް ވިދާޅުވީ މިހާތަނަށް ތިން ފަހަރު ކޮގްނިޓިވް ޓެސްޓު ހެއްދެވީ އެމަނިކުފާނު އެކަނި ކަމަށާއި، އެ ތިން ޓެސްޓުން ވެސް ވަރަށް ފުރިހަމަ ނަތީޖާއެއް ލިބިފައިވާ ކަމަށެވެ.
މީގެ އިތުރުން ޓްރަމްޕް ވިދާޅުވީ ޓެސްޓުގައި ހުރިހާ ސުވާލު ތަކަށް ޞައްޙަ ޖަވާބު ދެއްވާފައިވާ ކަމަށާއި، އެ ޓެސްޓުގެ ނަތީޖާ ފުރިހަމަ ކަމަށެވެ. ކޮގްނިޓިވް ޓެސްޓަކީ މީހާގެ ވިސްނުމާއި، ހަނދާން ހުރުމުގެ ކުޅަދާކަން ބެލުމަށް ހަދާ ޓެސްޓެކެވެ.
ޓްރަމްޕްގެ ޞިއްޙަތާ މެދު އަބަދު މީޑިއާ ތަކުގައި އަދި އާންމުންގެ ތެރޭގައި ގިނަ ކަންބޮޑުވުން ތަކެއް އޮވެ އެވެ. އެގޮތުން ބައްދަލުވުން ތަކުގައި ނިދި ޖެހިފައި އިންނެވުމާއި، ދޭތެރެއަކުން އަތާއި ފައިގެ އެކި ތަންތަނުގައި ލޭ ގަނޑުވެފައި ހުރުން ފަދަ ކަންކަން ވަނީ ފާހަގަވެފައި އެވެ.
