އޯޕެކް ޕްލަސްގެ ގައުމުތަކުން އަންނަ އޯގަސްޓް މަހުން ފެށިގެން ތެޔޮ އުފައްދާ މިންވަރު އިތުރުކުރަން ނިންމައިފި

އޯޕެކް ޕްލަސްގެ ގައުމުތަކުން އަންނަ އޯގަސްޓް މަހުން ފެށިގެން ތެޔޮ އުފައްދާ މިންވަރު ދުވާލަކު 188،000 ފީފާއަށް އިތުރުކުރުމަށް ނިންމައިފިއެވެ. އެ ޖަމިއްޔާއިން އާދީއްތަ ދުވަހު ހާމަކުރި ގޮތުގައި، މިއީ ފާއިތުވި މަސްތަކުގައިވެސް ތެޔޮ އުފައްދާ މިންވަރު އިތުރުކުރުމަށް އެއްބަސްވެފައިވާ އުސޫލުގެ ތެރެއިން ނިންމި ނިންމުމެކެވެ.

ސައުދީ އަރަބިއްޔާ، ރަޝިއާ، އިރާގު، ކުވެއިތު، ކަޒަކިސްތާން، އަލްޖީރިއާ އަދި އޮމާންގެ މިނިސްޓަރުން ބޭއްވި ވާޗުއަލް ބައްދަލުވުމަށްފަހު އޯޕެކުން ނެރުނު ބަޔާނެއްގައި ބުނެފައިވަނީ، ތެޔޮ އުފައްދާ މިންވަރަށް ގެންނަ މި ބަދަލާއެކު ދުވާލަކު 188،000 ފީފާ އިތުރަށް އުފައްދަން ނިންމާފައިވާ ކަމަށެވެ. އަދި މި ބަދަލަށް އަމަލުކުރަން ފަށާނީ 2026 ވަނަ އަހަރުގެ އޯގަސްޓް މަހުން ފެށިގެން ކަމަށްވެސް އެ ބަޔާނުގައި ފާހަގަކޮށްފައިވެއެވެ.