ޔޫކްރެއިނުން ކްރައިމިއާގެ ދެ ވައިގެ ބަނދަރަކަށް ހަމަލާދީފި
3 ޖުލައި 2026 | ހުކުރު 12:46ޔޫކްރެއިނުން ކްރައިމިއާގެ ހްވާޑީސްކޭ އަދި ސާކީ އެއާބޭސްއަށް އަމާޒުކޮށް ވަރުގަދަ ހަމަލާތަކެއް ދީފި. މި ހަފުތާގައި ދެވަނަ ފަހަރަށް ސާކީ އެއާބޭސްއަށް ދިން މި ހަމަލާތަކުގައި އެ ތަނުގައި ހުރި ޖެޓްތަކަށް ބޮޑެތި ގެއްލުންތަކެއް ލިބި، ބައެއް ތަކެތި އެއްކޮށް ސުންނާފަތިވެފައިވާ ކަމަށް އެސް.ބީ.ޔޫ އިން ބުނޭ.
ކްރައިމިއާގެ ނޮވޯފެޑޮރިވްކާ ކައިރީގައި ހުންނަ ރަޝިޔާގެ އަސްކަރީ އެއާބޭސް ހުރި ސަރަހައްދުން ބާރުގަދަ ގޮވުންތަކެއްގެ އަޑު އިވުމަށްފަހު، އެ ސަރަހައްދުގެ ސާކީ ބީޗުން ދުން އަރަމުންދާ މަންޒަރު (ފައިލް) | އޭޕީ
ރަޝިޔާއިން ހިފާފައިވާ ކްރައިމިއާގެ ދެ ވައިގެ ބަނދަރަކަށް ޔޫކްރެއިނުން ހަމަލާދީ، މަދުވެގެން ހަތް ޖެޓާއި ޑްރޯން ރައްކާކުރާ ގުދަންތަކަކަށް އަމާޒުކޮށްފައިވާ ކަމަށް ޔޫކްރެއިންގެ ސަލާމަތީ ޚިދުމަތް، އެސް.ބީ.ޔޫ އިން ހުކުރު ދުވަހު ބުނެފި އެވެ.
ކްރައިމިއާގެ ދެ ވައިގެ ބަނދަރަކަށް ޔޫކްރެއިނުން ހަމަލާ ދިން ކަމަށް ވަނީ ބުނެފައި
ޓެލެގްރާމް މެދުވެރިކޮށް އެސް.ބީ.ޔޫ އިން ހާމަކޮށްފައިވާ ގޮތުގައި، މި ހަމަލާތައް އަމާޒުކޮށްފައިވަނީ ހްވާޑީސްކޭ އަދި ސާކީ އެއާބޭސްއަށެވެ. މީގެ ތެރެއިން ސާކީ އެއާބޭސްއަށް މިއީ މި ހަފުތާގެ ތެރޭގައި ޔޫކްރެއިނުން ހަމަލާދިން ދެވަނަ ފަހަރެވެ.
މި ހަމަލާތަކުގައި ސާކީ އެއާބޭސްގައި ހުރި ޖެޓްތަކަށް ބޮޑެތި ގެއްލުންތަކެއް ލިބިފައިވާ ކަމަށް ނުވަތަ އެ ތަކެތި އެއްކޮށް ސުންނާފަތިވެފައިވާ ކަމަށް އެސް.ބީ.ޔޫ އިން ބުނެފައިވެ އެވެ.
