ސްޕެޝަލް އޮލިމްޕިކްސް މޯލްޑިވްސްގެ އެތުލެޓިކްސް މުބާރާތް ނިންމާލައިފި
މުބާރާތް ކުރިއަށް ގެންގޮސްފައި ވަނީ 12 އަހަރުން ދަށާއި، 12 އަހަރުން މަތި ހިމެނޭހެން ދެ އުމުރުފުރާ އަކަށް ބަހާލައިގެން. އެގޮތުން މުބާރާތުގައި 50 މީޓަރު ދުވުން، 80 މީޓަރު ދުވުން، 100 މީޓަރު ދުވުން، 200 މީޓަރު ދުވުން އަދި 400 މީޓަރު ދުވުމުގެ އިތުރުން، ސޮފްޓްބޯލް ތުރޯ، ހާޑު ބޯލް ތުރޯ އަދި ސްޓޭންޑިން ޖަމްޕު ހިމެނޭ.
ސްޕެޝަލް އޮލިމްޕިކްސް މޯލްޑިވްސްގެ އެތުލެޓިކްސް މުބާރާތް ނިންމުމުގެ ރަސްމިއްޔާތުގެ ތެރެއިން. | ރާއްޖެ އެމްވީ
ސްޕެޝަލް އޮލިމްޕިކްސް މޯލްޑިވްސް (އެސްއޯ މޯލްޑިވްސް)ގެ މި އަހަރުގެ އެތުލެޓިކްސް މުބާރާތް ނިންމާލައިފި އެވެ.
ދެ ދުވަހުގެ މުއްދަތަކަށް ހުޅުމާލެ ސިންތެޓިކް ޓްރެކުގައި ކުރިއަށް ދިޔަ މިމުބާރާތުގައި ޖުމުލަ 90 ކުޅުންތެރިން ބައިވެރިވެފައިވެ އެވެ. އެއީ 29 އަންހެން ކުޅުންތެރިންނާއި، 61 ފިރިހެން ކުޅުންތެރިންނެވެ.
މުބާރާތް ކުރިއަށް ގެންގޮސްފައި ވަނީ 12 އަހަރުން ދަށާއި، 12 އަހަރުން މަތި ހިމެނޭހެން ދެ އުމުރުފުރާ އަކަށް ބަހާލައިގެންނެވެ. އެގޮތުން މުބާރާތުގައި 50 މީޓަރު ދުވުން، 80 މީޓަރު ދުވުން، 100 މީޓަރު ދުވުން، 200 މީޓަރު ދުވުން އަދި 400 މީޓަރު ދުވުމުގެ އިތުރުން، ސޮފްޓްބޯލް ތުރޯ، ހާޑު ބޯލް ތުރޯ އަދި ސްޓޭންޑިން ޖަމްޕު ހިމެނެ އެވެ.
މިއީ އެސްއޯ މޯލްޑިވްސް އިން އެތުލެޓިކްސް މުބާރާތް ބާއްވާ ތިން ވަނަ އަހަރެވެ. ރާއްޖޭގައި އެންމެ ފުޅާކޮށް އިންކްލޫސިވް ސްޕޯޓްސް ހިންގަމުން އަންނަ އެސްއޯ މޯލްޑިވްސް އިން ވަނީ މިއަހަރުގެ މުބާރާތުގެ ފެންވަރު މަތިކޮށް، މުބާރާތުގެ ނަން ވެސް "ނެޝަނަލް އެތުލެޓިކްސް ކޮމްޕެޓިޝަން" އަށް ބަދަލު ކޮށްފައި އެވެ.
ފަސްޓް ނެޝަނަލް އެތުލެޓިކްސް ކޮމްޕެޓީޝަން މިހެން ލިޔެފައި އޮންނާތީ ވަރަށް ގިނަ ބަޔަކު ސުވާލު އުފައްދަމުން ދިޔަ، ވަރަށް ކޯލް ވެސް އައި، ފާއިތުވި ދެއަހަރަށް ބަލާ، މިއަހަރުގެ މުބާރާތުގެ ފެންވަރު ހައިކޮށް، ކުރިއަށް އޮތްތާނގައި ނޭޝަނަލް ކޮންމެޓިޝަން ގެންދާ ފެންވަރުގައި ދެން އެސް-އޯ މޯލްޑީވްސް އެތުލެޓިކްސް މުބާރާތްތައް ދާނީ އެހެން މިއަހަރުން ފެށީގެން އެ ލެވެލްގައި ގެންދާނެތީ ފަސްޓް ޖަހާފައި އެއޮތީ، މިކަން އަޅުގަނޑު ފާހަގަ ކުރަނީ ވަރަށް ބޮޑު ކާމިޔާބީއެއްގޮތުގަ، އަންނަ އަހަރުގެ އަމާޒަކީ އަތޮޅުތެރެއިން ވެސް ގިނަ ކުދިންތަކެއް ބައިވެރި ކުރުވުން، މިއަހަރު ވެސް ބައެއް ރަށްރަށުން ރިކުއެސްޓް އައި ނަމަވެސް މާލއ އައުމާ ހުރިމާ ކެއުމާ އެހެނިހެން ޚަރަދުގެ ބޮޑުކަމުން އެކުދިންނަށް ބައިވެރި ނުވެވުނީ.އިބްރާހީމް ރަމީޒް / ޗެއާޕާސަން
މުބާރާތުގެ ނިމުން ފާހަގަ ކުރުމުގެ ގޮތުން ހޮނިހިރު ދުވަހު ބޭއްވި މެޑަލް ދިނުމުގެ ހަފްލާ ޝަރަފް ވެރި ކޮށްދެއްވާފައި ވަނީ އެޑިއުކޭޝަން މިނިސްޓްރީ ސްޓޭޓް މިނިސްޓަރު ފާޠިމަތު މުޙައްމަދު އެވެ. މީގެ އިތުރުން އެތުލެޓިކްސް އެސޯސިއޭޝްންގެ ރައީސް މުސްޠަފާ މުޙައްމަދުގެ އިތުރުން އެޑިއުކޭޝަން މިނިސްޓްރީގެ އިންކްލޫސިވް ޑިޕާޓްމަންޓްގެ ޑިރެކްޓަރު އަދީލާ ރުސްދީ ވަނީ ބައިވެރިވެފައި އެވެ.
ސްޕެޝަލް އޮލިމްޕިކްސް މޯލްޑިވްސް އަކީ ރާއްޖޭގައި އެންމެ ފުޅާކޮށް އިންކްލޫސިވް ސްޕޯޓްސް ހިންގަމުން އަންނަ އެސޯސިއޭޝަން އެވެ.
