އެމެރިކާ އާއި އީރާންގެ ޓެކްނިކަލް ޓީމު ތަކުގެ މަޝްވަރާތައް ކުރިއަށް ގެންދާނެ

އެމެރިކާ އާއި އީރާންއާ ދެމެދު ކުރިއަށްދާ ސުލްޙައިގެ ވާހަކަތައް މި ހަފުތާގެ ބާކީ ދުވަސް ތަކުގައި ސްވިޒަލެންޑުގައި ކުރިއަށް ގެންދާނެ ކަމަށް، ޕާކިސްތާން އާއި ޤަތަރުން ބުނެފި އެވެ. 

އެމެރިކާ އާއި އީރާންގެ މަޝްވަރާ ޓީމު ތަކުގެ ބައްދަލުވުންތައް ނިމިފައިވާއިރު، ދެން ކުރިއަށް ދާނީ ޓެކްނިކަލް ޓީމު ތަކުގެ މަޝްވަރާތައް ކަމަށް މެދުވެރިން ވަނީ ބުނެފައި އެވެ. 

މި ވާހަކަ ތަކުގައި ދެ ގައުމުން ދެމުން އަންނަ އެއްބާރުލުމާއި، ސުލްހަވެރި ގޮތުގައި މައްސަލަ ހައްލު ކުރުމަށް ދެ ގައުމުން ދައްކަމުން އަންނަ މެދުވެރި ކަމަށް ޕާކިސްތާން އާއި ޤަތަރުން ވަނީ ޝުކުރު އަދާ ކޮށްފައި އެވެ.  އެމެރިކާ އާއި އީރާންއާ ދެމެދު އޮތް ނުތަނަވަސްކަން ހައްލު ކުރުމަށް ޑިޕްލޮމެޓިކް މަގުން މަސައްކަތް ކުރުމަށް ދެ ގައުމުން ދައްކަމުން އަންނަ ދެމެހެއްޓެނިވި ތާއީދަކީ މުހިންމު ކަމެއް ކަމަށް މެދުވެރިން ފާހަގަ ކޮށްފައިވެ އެވެ.

މީގެ އިތުރުން މެދުވެރިން ބުނެފައި ވަނީ، މަޝްވަރާތައް ކުރިއަށް ގެންދިޔުމަށް އެ ޤައުމު ތަކުން ފުރިހަމަ އަށް އެއްބާރުލުން ދޭނެ ކަމަށެވެ. އަދި އެކަމުގައި މަސައްކަތް ކުރުމުގައި ދެމި ތިބޭނެ ކަމަށް ވެސް ޕާކިސްތާން އާއި ޤަތަރުން ވަނީ ބުނެފައި އެވެ. އެއާ އެކު މެދުވެރިން ބުނެފައި ވަނީ، ފައިނަލް އެއްބަސްވުމަކަށް ދެ ޤައުމު ގެންދިޔުމުގެ މަޤުސަދުގައި މަޝްވަރާތައް ކުރިއަށް ގެންދާނެ ކަމަށެވެ. 

ސްވިޒަލެންޑުގައި ކުރިއަށް ގެންދިޔަ މި ވާހަކަ ތަކަކީ ދެ ޤައުމުގެ ދެ މެދުގައި ދިގު މުއްދަތެއް ވަންދެން އޮތް ނުތަނަވަސްކަން ޙައްލު ކުރުމަށް ކުރިއަށް ގެންދިޔަ މުހިންމު މަސައްކަތް ތަކެކެވެ. އާދީއްތަ ދުވަހު ސްވިޒަލެންޑުގައި ކުރިއަށް ގެންދިޔަ މަޝްވަރާ ތަކަށް ފަހު، ދެން ކުރިއަށް ދާނީ ޓެކްނިކަލް ޓީމު ނުވަތަ ފަންނީ ޓީމު ތަކުގެ މަޝްވަރާ ކަމަށް ބުނެފައިވެ އެވެ. 

މެދުވެރިން ބުނެފައިވާ ގޮތުގައި މި ވާހަކަތައް ކުރިއަށް ގެންދިއުމުގައި ހުރިހާ ފަރާތް ތަކުން ވެސް އިޚްލާސްތެރިކަމާ އެކު އަންނަނީ މަސައްކަތް ކުރަމުންނެވެ.