އެމެރިކާ އާއި އީރާންގެ މަޝްވަރާތައް ނިމުނީ އުންމީދާ އެކު!
އީރާންގެ ފޮރިން މިނިސްޓްރީގެ ތަރުޖަމާނު އިސްމާއީލް ބަޣާއީ ނޫސްވެރިންނަށް މައުލޫމާތު ދެއްވަމުން ވިދާލުވީ، ސްވިޒަލެންޑުގައި ބޭއްވި މަޝްވަރާތަކުގައި އީރާންގެ ޓީމުން ކުރި މަސައްކަތް މިހާރު ނިމިފައިވާ ކަމަށް. އަދި ޓެކްނިކަލް ޓީމު ތަކުން އެ ބޭފުޅުންގެ މަސައްކަތް ކުރިއަށް ގެންދަވާނެ ކަމަށް ވެސް ބަޣާއީ ވިދާޅުވި.
އީރާންގެ ފޮރިން މިނިސްޓަރު އައްބާސް އަރާގްޗީ އާއި އީރާންގެ ވަފުދުގެ ބޭފުޅުން. | ގެޓީ އިމޭޖަސް
އެމެރިކާ އާއި އީރާންއާ ދެމެދު ސްވިޒަލެންޑުގައި ކުރިއަށް ގެންދިޔަ މަޝްވަރާތައް ނިމުނީ، އުންމީދާ އެކުގައި ކަމަށް އީރާންގެ ފޮރިން މިނިސްޓަރު އައްބާސް އަރާގްޗީ ވިދާޅުވެއްޖެ އެވެ.
އާދީއްތަ ދުވަހު އެމެރިކާ އާއި އީރާންއާ ދެމެދު ކުރިއަށް ގެންދިޔަ މަޝްވަރާތައް ނިމިފައިވާއިރު، އަރާގްޗީ ވިދާޅުވީ އެ ބައްދަލުވުމުގައި ވަރަށް ގިނަ ކަންތައްތަކާ މެދު ވާހަކަ ދެކެވުނު ކަމަށެވެ.
އީރާންގެ ފޮރިން މިނިސްޓްރީގެ ތަރުޖަމާނު އިސްމާއީލް ބަޣާއީ ނޫސްވެރިންނަށް މައުލޫމާތު ދެއްވަމުން ވިދާލުވީ، ސްވިޒަލެންޑުގައި ބޭއްވި މަޝްވަރާ ތަކުގައި އީރާންގެ ޓީމުން ކުރި މަސައްކަތް މިހާރު ނިމިފައިވާ ކަމަށެވެ. އަދި ޓެކްނިކަލް ޓީމު ތަކުން އެ ބޭފުޅުންގެ މަސައްކަތް ކުރިއަށް ގެންދާނެ ކަމަށް ވެސް ބަޣާއީ ވިދާޅުވި އެވެ.
މީގެ އިތުރުން ބަޣާއީ ވިދާޅުވެފައި ވަނީ މިފަހަރުގެ ވާހަކަ ތަކުގައި އެއްބަސްވެފައި ވަނީ، އީރާން އާއި އެމެރިކާއާ ދެމެދު ސޮއި ކޮށްފައިވާ އެއްބަސްވުމުގެ ކަންކަން ތަންފީޒު ކުރުމަށް ބޭނުންވާ ކަންކަމުގައި ޓެކްނިކަލް ޓީމު ތަކުން މަސައްކަތް ކުރިއަށް ގެންދިޔުމަށް ކަމަށެވެ. މަޝްވަރާ ކުރާ ޓީމުގެ މަސައްކަތް ނިމިފައި ވީ ނަމަވެސް، ހޯމަ ދުވަހުން ފެށިގެން ޓެކްނިކަލް ޓީމުގެ މަސައްކަތް ކުރިއަށް ގެންދާނެ އެވެ.
މި މަޝްވަރާތަކާ ގުޅޭ ގޮތުން އީރާންގެ އިސްވެރިން ދެކެނީ، މަޝްވަރާ ތަކުގެ ސަބަބުން މަސްރަހަށް ބަދަލު އައިސް، އީރާން އަށް ލުއި ތަކެއް ލިބިގެން ދާނެ ކަަމަށެވެ. އެމެރިކާ އާއި އީރާާންގެ މަޝްވަރާ ތަކުގައި އީރާންގެ ނިއުކްލިއާ ޕްރޮގްރާމް އާއި، ހިފަހައްޓާފައިވާ އީރާންގެ ފައިސާތައް ދޫކުރުމާ ގުޅޭ ގޮތުން ވާހަކަ ދެކެވިފައިވާ ކަމަށް ބެލެވެ އެވެ.
މަސްދަރު: އަލް ޖަޒީރާ
