ގަމުގައި ކަރަންޓުގައި ޖެހުނު 14 އަހަރުގެ ކުއްޖާ ވެންޓިލޭޓަރުން ނަގައިފި
30 މެއި 2026 | ހޮނިހިރު 03:36މި ހާދިސާ ހިނގާފައިވަނީ އަންގާރަ ދުވަހުގެ ރޭގެ ވަގުތެއްގައި އީދަށް ތައްޔާރުވުމުގެ ގޮތުން ކުރަމުންދިޔަ މަސައްކަތްތަކުގެ ތެރޭގަ. މައުލޫމާތު ލިބިފައިވާ ގޮތުގައި އެ ކުއްޖާ ކަރަންޓުގައި ޖެހުނީ މަގުމަތީގައި ހުރި ކަރަންޓު ފޮއްޓަކުން ވާގަނޑަކަށް ކަރަންޓު ނަގަން އުޅުމުގެ ތެރޭގަ. ކުއްޖާގެ ހާލު ސީރިއަސްވުމާ ގުޅިގެން ގަމު ރީޖަނަލް ހޮސްޕިޓަލުގެ ވެންޓިލޭޓަރުގައި ފަރުވާ ދިނުމަށްފަހު އިތުރު ފަރުވާއަށް މާލެ ގެނައީ ބުދަ ދުވަހުގެ ހެނދުނު 8:15 ހާއިރު.
ސަރުކާރުގެ ހޮސްޕިޓަލް އައިޖީއެމްއެޗް | ރާއްޖެއެމްވީ
ލ. ގަމުގައި ކަރަންޓުގައި ޖެހިގެން ހާލުދެރަވި 14 އަހަރުގެ ފިރިހެން ކުއްޖާ ވެންޓިލޭޓަރުން ނަގާފައިވާ ކަމަށް އިންދިރާ ގާންދީ މެމޯރިއަލް ހޮސްޕިޓަލް(އައިޖީއެމްއެޗް) އިން ހާމަކޮށްފި އެވެ.
އެ ކުއްޖާ ވެންޓިލޭޓަރުން ނަގާފައި ވަނީ ހުކުރު ދުވަހު މެންދުރު 12:00 ހާއިރު ކަމަށް އައިޖީއެމްއެޗުން ވަނީ މައުލޫމަތު ދީފަ އެވެ.
ނަމަވެސް އެ ކުއްޖާ އަށް އަދިވެސް ފަރުވާ ދެމުންދަނީ އައިސީޔޫގައި ކަމަށް އައިޖީއެމްއެޗްގެ އޮފިޝަލަކު ރާއްޖެ އެމްވީ އަށް މައުލޫމާތު ދީފައިވެ އެވެ.
މި ހާދިސާ ހިނގާފައި ވަނީ އަންގާރަ ދުވަހުގެ ރޭގެ ވަގުތެއްގައި އީދަށް ތައްޔާރުވުމުގެ ގޮތުން ކުރަމުންދިޔަ މަސައްކަތްތަކުގެ ތެރޭގަ އެވެ. މައުލޫމާތު ލިބިފައިވާ ގޮތުގައި އެ ކުއްޖާ ކަރަންޓުގައި ޖެހުނީ މަގުމަތީގައި ހުރި ކަރަންޓު ފޮއްޓަކުން، އެކްސްޓޭޝަން ވާގަނޑަކަށް ކަރަންޓު ނަގަން އުޅުމުގެ ތެރޭގަ އެވެ.
މި ހާދިސާގައި އެ ކުއްޖާގެ ހަށިގަނޑުގެ ބޮޑު ބައެއް ފިހިފައިވާ ކަމަށް މައުލޫމާތު ލިބިފައިވީ ނަމަވެސް، ކުއްޖާއަށް ލިބުނު އަނިޔާތަކުގެ ތަފްސީލެއް އެއްވެސް ފަރާތަކުން ރަސްމީކޮށް ހާމަކޮށްފައެއް ނުވެ އެވެ. ކުއްޖާގެ ހާލު ސީރިއަސްވުމާ ގުޅިގެން ގަމު ރީޖަނަލް ހޮސްޕިޓަލުގެ ވެންޓިލޭޓަރުގައި ފަރުވާ ދިނުމަށް ފަހު އިތުރު ފަރުވާއަށް މާލެ ގެނައީ ބުދަ ދުވަހުގެ ހެނދުނު 8:15 ހާއިރު އެވެ.
މި ހާދިސާއާ ގުޅިގެން މައުލޫމާތު ދެމުން ފުލުހުން ބުނީ މި މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.
