އާރްއޯއެލް ގެ ޚާއްސަ ޕްރޮމޯޝަނެއް: ގިގަފައި އިންޓަރނެޓަށް އާ ކަސްޓަމަރުންނަށް ފުރަތަމަ 3 މަހުގެ ފީ އިން 50 އިންސައްތައިގެ ޑިސްކައުންޓެއް!

އާރުއޯއެލް  އިން އާ ކަސްޓަމަރުންނަށް ހާއްސަ، ގިނަ ފައިދާތަކެއް ލިބިގެންދާނެ އާ ޕްރޮމޯޝަނެއް ފަށައިފި އެވެ. މި ޕްރޮމޯޝަނުގެ ދަށުން އާރުއޯއެލް ގެ ގިގަފައި އިންޓަރނެޓް ޚިދުމަތް އަލަށް ހޯއްދަވާ ކަސްޓަމަރުންނަށް، ކަނެކްޝަން ސެޓަޕް ހެދުމާއި، ބޭނުންވާ ޑިވައިސްގެ އިތުރުން ޑިޕޮސިޓް ފީ ވެސް މުޅިން ހިލޭ ލިބޭނެކަމުގެ ޔަގީންކަން އެ ކުންފުނިން ދެ އެވެ.

މީގެ އިތުރުން، ގިގަފައި އިންޓަރނެޓްގެ އާ ކަސްޓަމަރުންނަށް ފުރަތަމަ ތިން މަސްދުވަހުގެ މަހު ފީން 50 އިންސައްތައިގެ ޑިސްކައުންޓެއް ލިބިގެންދާނެ އެވެ. މި ހުރިހާ ފައިދާތަކުގެ އިތުރުން، ގިގަފައި އިންޓަރނެޓްގެ އާ ކަސްޓަމަރުންނަށް "ސިމެޓްރިކަލް ބޭންޑްވިޑްތް" ލިބޭނެ އެވެ. މިއީ އިންޓަނެޓް އަޕްލޯޑް ކުރާ ސްޕީޑާއި ޑައުންލޯޑް ސްޕީޑް ދުވެލި އެއްވަރެއްގައި ހިފަހައްޓައިދޭނެ ޚިދުމަތެކެވެ.

މި ޕްރޮމޯޝަނުގައި ބައިވެރިވުމަށް އާ ކަސްޓަމަރުން އާރު.އޯ.އެލްގެ ވެބްސައިޓް މެދުވެރިކޮށް އާ އެކައުންޓެއް ހުޅުވާއިރު، ޕްރޮމޯ ކޯޑެއްގެ ގޮތުގައި "ROL5050" ބޭނުންކުރަން ޖެހޭނެއެވެ. މީގެ އިތުރުން، އާރު.އޯ.އެލްގެ ސޯޝަލް މީޑިއާ ޗެނަލްތަކާއި، އެ ކުންފުނީގެ ފްރަންޓް އޮފީހަށް ޒިޔާރަތްކޮށްގެން ނުވަތަ ހޮޓްލައިން ނަންބަރު 133 އަށް ގުޅައިގެން ވެސް މި ޕްރޮމޯޝަނަށް އެދި ހުށަހެޅޭނެ އެވެ.

30 ޖޫން 2026 ގެ ނިޔަލަށް ކުރިއަށްދާ މި ޕްރޮމޯޝަނަކީ ހަމައެކަނި ގިގަފައިގެ ހޯމް ނުވަތަ ރެސިޑެންޝަލް ސެގްމަންޓަށް ހާއްސަ ޕްރޮމޯޝަނެކެވެ.