ބަޣުދާދުގައި ހުންނަ އެމެރިކާ އެމްބަސީއަށް ވަރުގަދަ ޑްރޯން ހަމަލާ އެއް ދީފި
އިރާގުގެ ވެރިރަށް ބަޣުދާދުގައި ހުންނަ އެމެރިކާ އެމްބަސީއަށް އަމާޒުކޮށް ދިން ޑްރޯން ހަމަލާތަކެއް އެ ގައުމުގެ އެއަރ ޑިފެންސް ސިސްޓަމުން ރައްދު ދީފައިވާ ކަމަށް ރިޕޯޓުކޮށްފައިވޭ. މި ހަމަލާތައް ހުއްޓުވުމަށް ސިސްޓަމްތަކުން މަސައްކަތް ކުރަމުންދިޔަ ވަގުތު، އެމްބަސީ ހިމެނޭ ސަރަހައްދުން ބާރުގަދަ ގޮވުމެއްގެ އަޑު އިވިފައިވާ ކަމަށް ރިޕޯޓްތައް ބުނޭ.
ޢިރާޤުގެ ރަށްވެހިރަށް ބަޣުދާދުގައި ހުންނަ އެމެރިކާގެ އެމްބަސީއަށް އީރާނުގެ ޑްރޯން ހަމަލާއެއް އަމާޒުވެފައި. މި ހަމަލާއާ ގުޅިގެން އެމްބަސީ ހުންނަ ސަރަހައްދުން ދުން އަރަމުންދާ މަންޒަރު ވަނީ ފެނިފައި (ފައިލް). | އެކްސް
ބަޣުދާދުގައި ހުންނަ އެމެރިކާ އެމްބަސީއަށް ޑްރޯން ހަމަލާތަކެއް ދިނުމާ ގުޅިގެން ބާރުގަދަ ގޮވުމެއްގެ އަޑު އިވިއްޖެ އެވެ.
އިރާގުގެ ވެރިރަށް ބަޣުދާދުގައި ހުންނަ އެމެރިކާ އެމްބަސީއަށް އަމާޒުކޮށް ދިން ޑްރޯން ހަމަލާތަކަކަށް އެ ގައުމުގެ އެއަރ ޑިފެންސް ސިސްޓަމްތަކުން ރައްދު ދީފައިވާ ކަމަށް ސަލާމަތީ ބާރުތަކުގެ މަސްދަރަކާ ހަވާލާދީ އަލްޖަޒީރާ އެރަބިކުން ރިޕޯޓްކޮށްފައިވެ އެވެ.
އަލްޖަޒީރާގެ ކޮރެސްޕޮންޑެންޓް ރިޕޯޓްކޮށްފައިވާ ގޮތުގައި، އެމެރިކާ އެމްބަސީއަށް އަމާޒުވި ޑްރޯންތައް ހުއްޓުވުމަށް އެއަރ ޑިފެންސް ސިސްޓަމުން މަސައްކަތް ކުރަމުންދިޔަ ވަގުތު، އެމްބަސީ ހިމެނޭ ސަރަހައްދުން ބާރުގަދަ ގޮވުމެއްގެ އަޑު ވަނީ އިވިފައެވެ.
އެމެރިކާ އާއި އިޒްރޭލު ގުޅިގެން އީރާނަށް ޣައިރު ގާނޫނީ ހަމަލާތައް ދޭން ފެށި ފަހުން ބަޣުދާދުގައި ހުންނަ އެމެރިކާގެ އެމްބަސީ އަށް މީގެ ކުރިން ވެސް އެތައް ހަމަލާއެއް އަމާޒުވެފައިވާކަން ފާހަގަ ކުރެވެއެވެ.
