ހޯރްމޫޒް ކަނޑުއޮޅި ހުޅުވާފައި ބޭއްވުމަށް އެހީތެރިވުމަށް ގައުމުތަކުން މަނަވަރު ފޮނުވުމަށް ޓްރަމްޕް ގޮވާލެއްވުމާއެކު ފަރަންސޭސިވިލާތުން މަނަވަރު ނުފޮނުވާނެ ކަމަށް ބުނެފި

ފަރަންސޭސިވިލާތުގެ އަސްކަރީ 10 މަނަވަރެއް މެދުއިރުމައްޗަށް ފޮނުވުމަށް ތައްޔާރުވަމުންދާ ކަމަށް ފެތުރިފައިވާ ޚަބަރުތައް އެ ގައުމުގެ ފޮރިން މިނިސްޓްރީން ދޮގުކޮށްފިއެވެ.

އެކްސްގައި ކުރި ޕޯސްޓެއްގައި އެ މިނިސްޓްރީން ބުނީ، އެފަދަ އެއްވެސް ނިންމުމެއް ނިންމާފައިނުވާ ކަމަށާއި، ފަރަންސޭސިވިލާތުގެ އެއަރކްރާފްޓް ކެރިއަރ ސްޓްރައިކް ގްރޫޕް އަދިވެސް އޮތީ މެޑިޓެރޭނިއަން ކަނޑުގެ އިރުމަތީ ސަރަހައްދުގައި ކަމަށެވެ. އަދި ފަރަންސޭސިވިލާތުގެ އަސްކަރީ ސިޔާސަތަށް އެއްވެސް ބަދަލެއް ނާންނަ ކަމަށާއި، އެ ގައުމުގެ އަމާޒަކީ ދިފާއީ އަދި ރައްކާތެރިކަމުގެ ފިޔަވަޅުތައް އެޅުން ކަމަށްވެސް އެ މިނިސްޓްރީން ބުނެފައިވެއެވެ.

ފަރަންސޭސިވިލާތުން މިކަން ދޮގުކޮށްފައި މިވަނީ، ހޯރްމޫޒް ކަނޑުއޮޅި ހުޅުވާފައި ބޭއްވުމަށް އެހީތެރިވުމަށް އެމެރިކާގެ ރައީސް ޑޮނަލްޑް ޓްރަމްޕް އެމެރިކާގެ އެކުވެރި ގައުމުތަކަށް ގޮވާލައްވާފައިވާ ދަނޑިވަޅެއްގައެވެ.