އިޓާލިއަން ލީގުގައި ރޭ  ހެލަސް ވެރޯނާ އާ ދެކޮޅަށް ކުޅުނު މެޗު ފަސޭހަކަމައެކު  އޭއެސް ރޯމާ މޮޅުވެއްޖެ އެވެ.

ރޭ ހެލަސް ވެރޯނާއާ ދެކޮޅަށް ކުޅުނު މެޗުން ރޯމާ މޮޅުވީ 0-3 ގެ ނަތީޖާއަކުންނެވެ.

ރޯމްގެ ސްޓޭޑިއޯ އޮލިމްޕިކޯގައި ކުޅުނު މި މެޗުގައި ރޯމާގެ ފަރާތުން ރަނގަޅު ކުޅުމެއް ފެނިގެން ދިޔައިރު، މެޗުގެ ފުރަތަމަ ލަނޑު ޖަހާ ލީޑުނެގީވެސް ރޯމާއިންނެވެ. މެޗުގެ 22 ވަނަ މިނެޓުގައި ރޯމާއަށް މި ލަނޑު ކާމިޔަބުކޮށްދިނީ ރަޖާ ނައިންގޯލާން އެވެ.

މި ލަނޑަށް ފަހުވެސް ރޯމާއިން މޮޅަށް ކުޅެމުން ދިޔުމުގެ ނަތީޖާއަކަށްވީ މެޗުގެ 33 ވަނަ މިނެޓުގައި އެޓީމުގެ ދެވަނަ ލަނޑު ކާމިޔާބުކުކޮށް ލީޑު ފުޅާކުރުމެވެ. މި ލަނޑު އެޓީމަށް ކާމިޔަބު ކޮށްދިނީ އެޑިން ޖެކޯއެވެ.

 ރޯމާއިން މި މެޗުގައި ކާމިޔާބު ކުރި ތިންވަނަ ލަނޑުވެސް މެޗުގެ 61 ވަނަ މިނެޓުގައި ކާމިޔާބު ކޮށްދިނީ ދެވަ ލަނޑުވެސް ޖަހައިދިން  ޖެކޯއެވެ.

މި ނަތީޖާއާ އެކު އެއް މެޗު މަދުން ކުޅެފައިވާ ރޯމާ އޮތީ ހަ ޕޮއިންޓާ އެކު ތާވަލްގެ ހަތް ވަނައިގަ އެވެ. އެއް ވަނައިގައި 12 ޕޮއިންޓާ އެކު އޮތީ އިންޓަ އެވެ.