މިނިސްޓަރ ވިދާޅުވީ ދަރިވަރުންނަށް ފައިސާ ދޫކުރުން ލަސްވަނީ ޔުނިވަރސިޓީތަކުން ފަހު ވަގުތު އިންވޮއިސް ފޮނުވާތީކަމަށް!
މިނިސްޓަރ ވިދާޅުވީ، ފައިސާ ދޫކުރުމުގައި އަދިވެސް ލަސްތައް އުޅޭ ކަމަށާއި، އެހެން ދިމާވަނީ ފައިސާ ދޫކުރުމުގެ ކަންކަން 3 އިދާރާއަކުން ބަލާތީކަމަށް. އެގޮތުން އެންމެ ބޮޑަށް މައްސަލަ ދިމާވަނީ ޔުނިވަރސިޓީތަކުން ފަހު ވަގުތު އިންވޮއިސް ފޮނުވާތީކަމަށް ވިދާޅުވި،
ހަޔަރ އެޑިއުކޭޝަން މިނިސްޓަރ ޑރ އަލީ ހައިދަރު އަޙުމަދު | ރާއްޖެ އެމްވީ
ދަރިވަރުންނަށް ފައިސާ ދޫކުރުން ލަސްވާ އެންމެ ބޮޑު ސަބަބަކީ ޔުނިވަރސިޓީތަކުން ފަހު ވަގުތު އިންވޮއިސް ފޮނުވާތީކަމަށް ހަޔަރ އެޑިއުކޭޝަން މިނިސްޓަރ ޑރ އަލީ ހައިދަރު އަޙުމަދު ވިދާޅުވެއްޖެއެވެ.
ފައިސާ ނުލިބުމުގެ ސަބަބުން ދަރިވަރުންނަށް ބޮޑެތި ދަތިތައް ކުރިމަތިވަމުންދާއިރު، އަދި އެކަންކަމުގައި މިނިސްޓްރީއާ މުއާސަލާތު ކުރުމުގެ ދަތިތައް ގިނަ ދަރިވަރުން ހިއްސާ ކުރަމުންދާއިރު، އެކަމާ ގުޅިގެން ސުވާލު ކުރުމުން މިނިސްޓަރ ވިދާޅުވީ، ދަރިވަރުންނާއި ފަސޭހައިން މުއާސަލާތު ކުރެވޭނެ ގޮތްތައް ހެދުމަށް އެންމެ ފުރަތަމަ ވަޓްސްއަޕް ގްރޫޕު ތައާރަފްކުރީ. 50 އަށް ވުރެ ގިނަ ދަރިވަރުން ކިޔަވަމުންދާ ޤައުމުތަކަށް ޚާއްސަކޮށްގެން ކަމަށެވެ.
އެހެންނަމަވެސް މިހާރު 25 އަށް ވުރެ ގިނަ ދަރިވަރުން ކިޔަވާ ޤައުމުތަކަށް ޚާއްސަކޮށްގެންވެސް ވަޓްސްއަޕް ގްރޫޕުތައް ހެދުމަށް ރައީސުލްޖުމްހޫރިއްޔާ ލަފާދެއްވާފައިވާ ކަމަށާއި، 3 ޤައުމެއް ފިޔަވައި ދެން ހުރި ޤައުމުތަކުގައި އެކަން ޤާއިމުވެސް ކުރެވިފައިވާކަމަށް މިނިސްޓަރ ވިދާޅުވިއެވެ.
އެއްވެސް ގޮތަކަށް މައްސަލައެއް އެކަމުގައި އުޅޭކަން އަޅުގަނޑުމެންނަށް ފާހަގަވެފައެއް ނެތްހަޔަރ އެޑިއުކޭޝަން މިނިސްޓަރ ޑރ އަލީ ހައިދަރު އަޙުމަދު
މިނިސްޓަރ ވިދާޅުވީ، ފައިސާ ދޫކުރުމުގައި އަދިވެސް ލަސްތައް އުޅޭކަން ފާހަގަ ކުރެވޭ ކަމަށެވެ. އަދި އެހެން ދިމާވަނީ ފައިސާ ދޫކުރުމުގެ ކަންކަން 3 އިދާރާއަކުން ބަލާތީކަމަށް މިނިސްޓަރ ވިދާޅުވިއެވެ. އެގޮތުން އެންމެ ބޮޑަށް މައްސަލަ ދިމާވަނީ ޔުނިވަރސިޓީތަކުން ފަހު ވަގުތު އިންވޮއިސް ފޮނުވާތީކަމަށްވެސް މިނިސްޓަރ ވިދާޅުވިއެވެ.
ޕޭމަންޓު ޑިލޭތަކެއް އުޅޭ، އެހެން ވަނީ 3 އިދާރާއަކުން ބަލާފައި ފައިސާ ދޫކުރުމުގެ ކަންކަން އަންނަނީ، ބައެއް ފަހަރަށް ޔުނިވަރސިޓީތަކުން އަޅުގަނޑުމެންނަށް އިންވޮއިސް އަންނައިރު އޮންނަނީ ހަފްތާއަކަށްވެފައި ޑެޑްލައިނަށް، އެހެންވީމާ ވާ ގޮތަކީ އެ ޑެޑްލައިން މީޓް ކުރުމުގައި އަޅުގަނޑުމެންނަށް ކޮންމެވެސް ވަރެއްގެ ދަތިތަކެއް ދިމާވޭ، އެއީކަންނޭނގެ އެންމެ ބޮޑަށް ދިމާވާ މައްސަލައަކީހަޔަރ އެޑިއުކޭޝަން މިނިސްޓަރ ޑރ އަލީ ހައިދަރު އަޙުމަދު
ދުވަހުން ދުވަހަށް ދިރިއުޅުމުގެ ޚަރަދުތައް އިތުރުވަމުންދާއިރު، ސްޓައިޕެންޑް ރިވިއު ކުރުމަށްޓަކައި ބަލަންޖެހޭ ކަންކަން މިނިސްޓްރީން ބަލަމުންދާނެކަމަށް މިނިސްޓަރ ވިދާޅުވިއެވެ. އަދި ވިދާޅުވީ، ގިނަ ދިވެހި ދަރިވަރުން ކިޔަވަމުންދާ ޤައުމުތަކަށް ޚާއްސަކޮށް އެ މަސައްކަތް ވީހާވެސް އަވަސް ކުރުމުގެ މަސައްކަތް ކުރައްވާނެ ކަމަށެވެ.
