އޮމާންގެ އައްސޭރިފަށުން ދަތުރުކުރަމުންދިޔަ މާޝަލް އައިލެންޑްސްގައި ރަޖިސްޓްރީކޮށްފައިވާ "އެމްކޭޑީ ވިޔޯމް" ނަމަކަށް ކިޔާ ތެޔޮ އުފުލާ ޓޭންކަރަކަށް މިސައިލް ހަމަލާ އެއް އަރައިފި
1 މާރިޗު 2026 | އާދީއްތަ 17:41އޮމާންގެ މަސްކަޓް ކައިރިން ދަތުރުކުރި ތެޔޮ ޓޭންކަރަކަށް ދިން ހަމަލާއެއްގައި އުޅަނދުގެ އިންޖީނު ރޫމުގައި ހުރި ފަޅުވެރިއަކު މަރުވެއްޖެ. މި ހަމަލާއާ ގުޅިގެން އުޅަނދުގައި ބާރުގަދަ ގޮވުމެއް ގޮވައި އަލިފާން ރޯވެފައިވާކަމަށް އެ އުޅަނދު މެނޭޖްކުރާ ކުންފުނިން ވަނީ ކަށަވަރުކޮށްދީފައި.
އޮމާންގެ އައްސޭރިފަށުން ދަތުރުކުރަމުންދިޔަ މާޝަލް އައިލެންޑްސްގެ ދިދަ ނަގާފައިވާ "އެމްކޭޑީ ވިޔޯމް" ނަމަކަށް ކިޔާ ތެޔޮ އުފުލާ ޓޭންކަރަކަށް ދިން ހަމަލާއެއްގައި، އެ އުޅަނދުގައި ހުރި ފަޅުވެރިއަކު މަރުވެ ބޯޓުގައި ވަނީ ރޯވެފައި. | އެކްސް
އޮމާންގެ އައްސޭރިފަށުން ދަތުރުކުރަމުންދިޔަ މާޝަލް އައިލެންޑްސްގައި ރަޖިސްޓްރީކޮށްފައިވާ "އެމްކޭޑީ ވިޔޯމް" ނަމަކަށް ކިޔާ ތެޔޮ އުފުލާ ޓޭންކަރަކަށް ހަމަލާއެއްދީ، އޭގައި ހުރި ފަޅުވެރިއަކު މަރުވައްޖެ ކަމަށް އެ އުޅަނދު މެނޭޖްކުރާ ވީ.ޝިޕްސް ކުންފުނިން އާދީއްތަ ދުވަހު ބުނެފިއެވެ.
ވީ.ޝިޕްސް އޭޝިއާއިން ނެރުނު ބަޔާނެއްގައި ބުނެފައިވަނީ، މާރިޗު މަހުގެ 1 ވަނަ ދުވަހު އޮމާންގެ މަސްކަޓްގެ އައްސޭރިފަށުން މި އުޅަނދު ދަތުރުކުރަމުން ދަނިކޮށް، އެއްޗަކުން ދިން ހަމަލާއަކާ ގުޅިގެން އުޅަނދުގައި ގޮވުމެއް ގޮވައި އަލިފާން ރޯވެފައިވާ ކަމަށެވެ.
މި ހާދިސާ ހިނގީ ހޮރްމޫޒް ކަނޑުއޮޅިން ބޯޓު ދަތުރުކުރަން އުޅުމުން ކަމަށް އީރާނުގެ ޕްރެސްޓީވީ އިން ބުނެފައިވެ އެވެ.
ހާދިސާ ހިނގިއިރު ބޯޓުގައި 20 ފަޅުވެރިން ތިއްބެވެ.
މި ހާދިސާ ހިނގި ވަގުތު އުޅަނދުގެ އިންޖީނު ރޫމުގައި ހުރި ފަޅުވެރިއަކު މަރުވެފައިވާކަން ބޯޓު އޮޕަރޭޓް ކުރާ ކުންފުނިން ވަނީ ކަށަވަރުކޮށްދީފައެވެ.
