ދޮންނަ މެޝިނެއްގައި އަލިފާން ރޯވެ ފިހުނުމީހާގެ ހާލު ރަގަޅު: އައިޖީއެމްއެޗް
އަނިޔާ ލިބުނު މީހާގެ 55 އިންސައްތަ ވަނީ ފިހިފައި
އަލިފާން ރޯވިކަމަށް ބުނާ ދޮންނަ މެޝިން
ހުކުރު ދުވަހުގެރޭ އިރާކޮޅު ހިނގި ދޮންނަ މެޝިނެއްގައި އަލިފާން ރޯވުމުގެ ހާދިސާގައި، ފިހުނުމީހާގެ ހާލު ރަނގަޅުވަމުން އަންނަކަމަށް އައިޖީއެމްއެޗުން ބުނެފިއެވެ.
ރާއްޖެއެމްވީއަށް މައުލޫމާތު ދެއްވަމުން އައިޖީއެމްއެޗްގެ އިސް އޮފިޝަލަކު ވިދާޅުވީ، މި އަލިފާނުގެ ހާދިސާގައި އަނިޔާވި 57 އަހަރުގެ އަންހެން މީހާގެ ހަށިގަނޑުގެ 55 އިންސައްތަ ފިހިފައިވާކަމަށެެވެ. އަދި އޭނާއަށް މިވަގުތު ފަރުވާދެމުންދަނީ، ސާރޖިކަލް ވޯޑްގެ އައިސީޔޫގައިކަމަށް އައިޖީއެމްއެޗް އިން ބުންޏެވެ. އޭނާ މިވަގުތު އޮބްޒަވޭޝަންގައި އޮތް އިރު ހާލު ސްޓޭބަލްކަމަށް ވެސް އޮފިޝަލް ވިދާޅުވިއެވެ.
ހުކުރު ދުވަހުގެރޭ 20.04 ހާއިރު މ. ފެސިނޭޝަން ގޭގައި ހިނގާދިޔަ މި ހާދިސާ ހިނގަން މެދުވެރިވި ސަބަބު އެމްއެންޑީއެފް ފަޔަރ އެންޑު ރެސްކިޔު ސާރވިސަސް އާއި މޯލްޑިވްސް ޕޮލިސް ސާރވިސަސް އިން އަދިވެސް ދަނީ އިތުރަށް ތަހްޤީޤްކުރަމުން ނެވެ.
