މާލޭގައި އަންގާރަ ދުވަހުގެ ރޭ ހިނގި ނުރައްކާތެރި އެކްސިޑެންޓުގައި އަނިޔާވި 16 އަހަރުގެ ފިރިހެން ކުއްޖާ ނިޔާވެއްޖެ
މާލޭ ބޮޑުތަކުރުފާނު މަގު ބްރިޖު ލައިޓް ކައިރީގައި ބާރު ސްޕީޑުގައި ދުއްވި ސައިކަލެއް ކޮންޓްރޯލުން ނެއްޓި ހިނގި އެކްސިޑެންޓުގައި އަނިޔާވި 16 އަހަރުގެ ކުއްޖާ ފަރުވާދެމުން ދަނިކޮށް ވަނީ ނިޔާވެފައި. ފުލުހުން ބުނި ގޮތުގައި މި އުޅަނދު ދުއްވަން އިނީ އީ ކެޓަގަރީގެ އުޅަނދު ދުއްވުމުގެ ލައިސެންސް ނެތް 19 އަހަރުގެ ޒުވާނެއް ކަމަށް.
މާލޭގައި ހިނގި އެކްސިޑެންޓުގައި އަނިޔާވި ޒުވާނާ ހޮސްޕިޓަލަށް ގެންދަނީ | ރާއްޖެ އެމްވީ
މާލެ ބޮޑުތަކުރުފާނު މަގު، ބްރިޖު ލައިޓް ކައިރިން އަންގާރަ ދުވަހުގެ ރޭ ހިނގި ނުރައްކާތެރި އެކްސިޑެންޓުގައި އަނިޔާވި 16 އަހަރުގެ ފިރިހެން ކުއްޖާ އަށް ފަރުވާ ދެމުން ދަނިކޮށް ނިޔާވެއްޖެ އެވެ.
ބުދަ ދުވަހު ފުލުހުން ބުނީ، މާލެ ބޮޑުތަކުރުފާނު މަގު، ބްރިޖު ލައިޓް ކައިރިން ބާރު ސްޕީޑްގައި ދުއްވި ސައިކަލެއް ކޮންޓްރޯލް ނުވެ ގޮސް ޕޭމަންޓު މައްޗަށް އަރައި، އެކްސިޑެންޓް ވެފައިވާ މައްސަލަ 24 ފެބްރުއަރީ 2026 ވަނަ ދުވަހުގެ ރޭ ދަންވަރު 1:39 އެހާއިރު ރިޕޯޓު ކޮށްފައިވާ ކަމަށެވެ.
މިއެކްސިޑެންޓް ހިނގިއިރު ސައިކަލު ދުއްވަން އިން 19 އަހަރުގެ ފިރިހެން މީހާގެ ފަހަތުގައި އިން 16 އަހަރުގެ ފިރިހެން ކުއްޖާއަށް އަނިޔާވެގެން ފަރުވާ ދިނުމަށް ހޮސްޕިޓަލަށް ގެންގޮސްފައިވާ ކަމަށް ފުލުހުން ބުނެ އެވެ. އެއީ ދެ ދިވެހީންނެވެ.
ފަހަތުގައި އިން ކުއްޖާއަށް ފަރުވާ ދެމުންދަނިކޮށް ނިޔާވެފައިވާ ކަމަށެވެ.
މީގެ އިތުރުން ފުލުހުން ބުނީ، އެކްސިޑެންޓްވި ސައިކަލު ދުއްވާފައިވަނީ އީ ކެޓަގަރީގެ އުޅަނދު ދުއްވުމުގެ ލައިސެންސް ނޯންނަ މީހެއް ކަމަށެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
