ގިނަ އަދަދަކުން ރައްޔިތުން ނުކުމެ ރިފަރަންޑަމް ވޯޓުން މި ސަރުކާރަށް ނޫނެކޭ ބުނާނެ: މޭޔަރު އާޒިމް
އެމްޑީޕީގެ ސަރުކާރުން ރައްޔިތުންނަށް ދޫކޮށްފައިވާ ގޯއްޗާއި ފްލެޓްތައް މި ސަރުކާރުން އަތުނުލެވޭނެ ކަމަށާއި، އެ ޙައްޤުތައް ހޯދައިދިނުމަށް ސަރުކާރު ޒިންމާދާރުކުރުވާނެ ކަމަށް މާލެ ސިޓީގެ މޭޔަރު އާދަމް އާޒިމް ވިދާޅުވެއްޖެ. ސަރުކާރުގެ ސިޔާސަތުތަކަށް ފާޑުވިދާޅުވަމުން އާޒިމް ފާހަގަކުރެއްވީ، މި ސަރުކާރުން ރައްޔިތުންގެ ޙައްޤުތަކަށް އަރައިގަންނަމުންދާ ކަމަށާއި ކުރިއަށް އޮތް އިންތިޚާބަކީ ސަރުކާރުގެ ނުފޫޒު ކުޑަކޮށް ރައްޔިތުންގެ ބަސް އިއްވާނެ ފުރުޞަތެއް ކަމަށް. އަދި ސަރުކާރުން ކަންކަން ނިންމަނީ ޚަރަދު ކުޑަކުރުމުގެ ނަމުގައި ރައްޔިތުންނަށް ދަތިވާ ގޮތަށް ކަމަށްވެސް އޭނާ ތުހުމަތުކުރެއްވި.
މާލެ ސިޓީގެ މޭޔަރު އާދަމް އާޒިމް އެމްޑީޕީ ޖަލްސާގައި ވާހަކަ ދައްކަވަނީ. | އެމްޑީޕީ
ކުރިއަށް އޮތް އިންތިޚާބަކީ މި ސަރުކާރުގެ ސިޔާސަތުތަކަށް ރައްޔިތުން ނޫނެކޭ ބުނާނެ ރިފަރަންޑަމްއެއް ކަމަށާއި، ގިނަ އަދަދެއްގެ ރައްޔިތުން ނުކުމެ މި ސަރުކާރު "މައިތިރިވާން" ޖެހޭނެ ކަމަށް ބުނާނެ ކަމަށް މާލެ ސިޓީގެ މޭޔަރު އާދަމް އާޒިމް ވިދާޅުވެއްޖެ އެވެ.
އެމްޑީޕީން ބޭއްވި ހޭވައްލާ ތައްޔާރު ޖަލްސާއެއްގައި ވާހަކަދައްކަވަމުން އާޒިމް ވިދާޅުވީ، މި ސަރުކާރުން ރައްޔިތުންގެ ޙައްޤުތަކަށް އަރައިގަންނަމުންދާ މަންޒަރު ވަރަށް ސާފުކޮށް ފެންނަން އެބައޮތް ކަމަށެވެ.
އާޒިމް ވިދާޅުވީ އެމްޑީޕީއަކީ އަބަދުވެސް ރައްޔިތުންގެ ޙާލަތު ގާތުން ބަލައި، ރައްޔިތުންނަށް އިއްޒަތާއި އަރާމުގައި އުޅެވޭނެ މަގު ފަހިކޮށްދޭން މަސައްކަތްކުރާ ޕާޓީއެއް ކަމަށެވެ. ރާއްޖޭގެ ރައްޔިތުން 10 ފޫޓު 10 ފޫޓުގެ ކުދި ކޮޓަރިތަކުގައި އުޅެމުންދިޔަ ދަތި ޙާލަތު ފެނުނީ އެމްޑީޕީގެ ސަރުކާރުތަކަށް ކަމަށާއި، އެކަން ހައްލުކުރުމަށް ރައީސް އިބްރާހީމް މުޙައްމަދު ޞާލިޙްގެ ސަރުކާރުން މާލޭގެ ހުރިހާ ރައްޔިތުންނަށް ގޯއްޗާއި ފްލެޓް ދޭން ނިންމެވީ އެއީ އެންމެންގެ ޙައްޤަކަށް ވާތީ ކަމަށް އޭނާ ފާހަގަކުރެއްވިއެވެ.
މީގެ އިތުރުން އާޒިމް ވިދާޅުވީ، ކުރީގެ ސަރުކާރުން ރައްޔިތުންނަށް ގޯއްޗާއި ފްލެޓްގެ ލިޔުން ހަވާލުކުރީ މި ސަރުކާރުން އެކަން ހުއްޓުވާފާނެތީ ކަމަށެވެ. އެމްޑީޕީން އެ ލިޔުންތައް ހަވާލުނުކުރި ނަމަ، މިއަދު މި ސަރުކާރުން ރައްޔިތުންނަށް އެ ގޯއްޗާއި ފްލެޓްތައް ނުދީ ހިފަހައްޓާނެ ކަމަށް އޭނާ ތުހުމަތުކުރެއްވިއެވެ. ކަނޑުއަޑިން ވިޔަސް އަދި އުޑުން ވިޔަސް، އެމްޑީޕީން ދީފައިވާ އެއްޗެއް އަތުނުލެވޭނެ ކަމަށާއި، ރައީސް މުޢިއްޒު އިތުރުފުޅު ހައްދަވައިގެން އެކަން ހުއްޓުވަން މަސައްކަތް ކުރެއްވި ނަމަވެސް އެކަން ކާމިޔާބު ނުވާނެ ކަމަށް އާޒިމް ވިދާޅުވިއެވެ.
އަޅުގަނޑު ރައީސަށް ދަންނަވަން ބޭނުންވަނީ، ރައީސް މުޢިއްޒަށް ދަންނަވަން ބޭނުންވަނީ، ތި ބޭފުޅުންނަކަށް އަޅުގަނޑުމެން ދީފައި އެއްޗެއް ނުދީ ނުވެސް ހުއްޓުވޭނޭ. އަޅުގަނޑުމެން އެމް.ޑީ.ޕީގެ ކައުންސިލަށް އައިސް ތި ބޭފުޅާ ނިދިޔ އެވަރު އަޅުގަނޑުމެން ކޮށްލާނަން. އެހެންނޫނީ މިހާރު ދޭންފަރާތް އަޅުގަނޑުމެންނަށް ރައްޔިތުން އިރާދަކުރެއްވިއްޔާ އެމް.ޑީ.ޕީގެ މެންބަރުން މިފަހަރު ހޮވާނެ. ހޮވަނީ އެ މީހުންނަށް ކަންތައް ކޮށްދޭނީ އެމް.ޑީ.ޕީ ކަމަށް ވާތީ. އިރާދަކުރެއްވިއްޔާ އަޅުގަނޑުމެން ބޮޑުތަނުން އިންތިޚާބު ކާމިޔާބުކޮށް، ރައީސް މުޢިއްޒު ނިދިޔަ ވެސް ނުދޭނަން. މާލޭގެ ރައްޔިތުންނަށް އެމް.ޑީ.ޕީ ސަރުކާރުން ދޭން ބުނެފައި ހުރި ބިންތަކާއި، ފުދެޓްތަކާއި، އޮތް ތާކުން އޮތް ގޮތަކަށް ނުދޭންޖެހޭނެ. އާދެ! އަޅުގަނޑު ހަމަ ދޭންތިޚާބާ ހަދަން ބޭނުންވޭ.މާލެ ސިޓީގެ މޭޔަރު އާދަމް އާޒިމް
ސަރުކާރު ހިންގާ ޕީއެންސީއަށް ފާޑުވިދާޅުވަމުން މޭޔަރު ވިދާޅުވީ، އިންތިޚާބުތައް އެއްކޮށްލީ ޚަރަދު ކުޑަކުރަން ކަމަށް ބުނި ނަމަވެސް، އެއީ ރައްޔިތުންގެ ޙައްޤުތައް ނިގުޅައިގަންނަން ކުރި ކަމެއް ކަމަށެވެ. އަދި މިހާރު ސަރުކާރުގެ ބޭފުޅުންނަށް ރައްޔިތުންގެ ގާތަށް ދާން ނުކެރޭ ކަމަށާއި، ކެމްޕޭން ކުރަން ގޭގެއަށް ވަންނަނީ ވެސް މީހުން ގޭގައި ނޫޅޭ ގަޑިތައް ބަލައިގެން ވަރަށް ސިއްރުން ކަމަށް އޭނާ ވިދާޅުވި އެވެ.
ސަރުކާރަށް ދެ އަހަރާއި ބައި ނުވަތަ ތިން އަހަރު ވެގެންދާއިރު ރައްޔިތުންނަށް ކޮށްދެވުނު އެއްވެސް ކަމެއް ނެތް ކަމަށާއި، ފެންނަން އޮތީ ހަމައެކަނި ވައްކަން ކުރުން ކަމަށް އާޒިމް ވިދާޅުވިއެވެ. އެހެންކަމުން، ކުރިއަށް އޮތް އިންތިޚާބުގައި އެމްޑީޕީން ބޮޑުތަނުން ކާމިޔާބު ހޯދާނެ ކަމަށާއި، ރައްޔިތުންނަށް ދޭން ބުނެފައިވާ ބިންތަކާއި ފްލެޓްތައް ހޯދައިދިނުމަށް ސަރުކާރަށް ނިދިޔަނުދީ މަސައްކަތް ކުރައްވާނެ ކަމުގެ ޔަޤީންކަން އާޒިމް ދެއްވި އެވެ. އޭނާ ވިދާޅުވީ ރައްޔިތުން ތިބީ މި ސަރުކާރަށް "ނޫނެކޭ" ބުނަން ކެތްމަދުވެފައި ކަމަށެވެ.
